web counter
LEXO PA REKLAMA!

SHKARKO APP

App Store
Google Play

Turizmi/ Berisha: Media europiane tregoi se qeveria ka pritur vjet 10 milionë mashtrime, sivjet nuk figuronte në asnjë statistikë

31 Gusht 2024, 20:53, Politikë CNA
Turizmi/ Berisha: Media europiane tregoi se qeveria ka pritur vjet 10
Sali Berisha, kryetar i PD-së

Kryetari i PD-së, Sali Berisha në fjalën e tij para mbështetsve u shpreh se me propagandën toksike në media, Rama gënjeu shqiptarët me numrin e turistëve që vizituan vendin vitin e kaluar. Sipas Berishës me të njëjtën propagandë toksike, Rama bën për të gjitha njoftimet në favor të qeverisë.

Deklarata e Berishës:

“Miqtë e mi, Shqipëria e cila sipas qeverisë ka pritur vjet 10 milionë turistë, 10 milionë mashtrime. Shqipëria e cila sipas qeverisë këtë vit do shkojë në 15 milionë, nuk figuronte në asnjë nga statistikat e suksesit. Përkundrazi vendin e parë e zinte Kroacia për turistë për frymë. Vendin e dytë, pothuaj të së njëjtit nivel Mali i Zi për frymë.

Po, pse do të thoni ju, jo Shqipëria? Sepse, në kulmin e kulmit Shqipëria pati gjithësej 6 milionë netë fjetje. Dhe kjo do të thotë që Shqipëria mori gjihësej 0.4 turistë për frymë.

U ndala në këtë, sepse gjithë verën mediat e kontrolluara nga qeveria nuk ndaleshin në kushtet katrastofale të turizmit të gjirizit nga Velipoja në Ksamil.

Nuk ndaleshin në mungesën e ujit të pijshëm, në bidonat dhe autobotet në të katërta anët e vendit, por ju jepnin ju jahtet luksoze të miliarderëve që vinin për të marrë me gjysmë milioi litra naftë. Tre herë më lirë se sa çdo shqiptar, tre herë më lirë se sa çdo fermer i Shqipërisë, por që natyrisht i shtronin një drekë sulltanit të Surrelit për ta falënderuar atë.

Miqtë e mi, rastet e propagandës së mashtrimit janë të pafundme, nuk kanë të ndalur. Nuk ka asgjë më të shpifur, më të shpërfytyruar se sa propaganda e një grushti lakejsh që përsisin në studio mashtrime të neveritshme ndaj shqiptarëve. Që përpiqen me çdo kusht të rishkruajnë edhe njëherë historinë e etërve të Edi Ramës.”/CNA





Lajmet e fundit nga