web counter
LEXO PA REKLAMA!

SHKARKO APP

App Store
Google Play

E fundit!

x

Bardhi: Nuk ka asnjë kërkesë për protestë nga deputetët

2 Shtator 2024, 14:16, Politikë CNA
Bardhi: Nuk ka asnjë kërkesë për protestë nga
Gazment Bardhi

Kreu i grupit parlamentar të PD-së, Gazment Bardhi, ka folur për mediat në lidhje me aksionin opozitar që sipas tij vjen këtë herë me moton “Nuk ka zgjidhje pa garantuar zgjedhje të lira dhe të ndershme”.

Ai u shpreh se do të ketë një sërë çështjesh për të cilat PD do të kërkojë ngritje të komisioneve hetimore, siç është ajo e Teatrit si dhe në lidhje me abuzimet me pronat nga kryeministri Rama dhe familjarët e tij.

Po ashtu i pyetur për protestat Bardhi tha se nuk ka pasur asnjë kërkesë të tillë nga ana e deputetëve.

Më tej shtoi se vendimet për protestë nuk i merr grupi parlamentar i PD, por institucionet e partisë.

"Nuk ka pasur asnjë kërkesë të tillë nga ana e deputetëve.

Vendimin për protestë nuk e merr grupi ynë, nuk mund të nxitohemi në veprime, i marrin vendimet institucionet e partisë.

Ka pasur një kërkesë të Aleancës për Mbrojtjen e Teatrit për një komision hetimor për teatrin, janë duke u mbledhur informacione për abuzimet me pronat nga kryeministri dhe familjarët e tij.

Këto janë dy çështjet që më vijnë në mendje për momentin, grupi ka propozuar dhe çështje të tjera.

Mazhoranca ka shkelmuar çdo hapësirë të opozitës, detyra jonë është të qëndrojmë përballë. Të luajmë rolin e përgjegjësisë që na takon", tha Bardhi./ CNA





Lajmet e fundit nga