web counter
LEXO PA REKLAMA!

SHKARKO APP

App Store
Google Play

E fundit!

x

Mbi 8 orë në Dajt/ Berisha: Ja pse Rama nuk tha asnjë fjalë për gazetarët

1 Shtator 2024, 20:37, Politikë CNA
Mbi 8 orë në Dajt/ Berisha: Ja pse Rama nuk tha asnjë fjalë
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka komentuar mbledhjen e kryeministrit Edi Rama me kabinetin qeveritar në rezidencën qeveritare në Dajt, e cila zgjati më shumë se 8 orë.

Berisha tha se Rama nuk foli për mediat për shkak se sipas tij, nuk kishte fytyrë t’i dilte para gazetarëve.

Ai pretendoi se Rama nuk kishte fytyrë të fliste për gazetarët pas bilanceve tragjike që e nxjerrin si hajdut, mashtrues, gaztor, fallxhor dhe lexues filxhani në samite ndërkombëtare.

“Të dashur miq, narko-qeveria filloi shtatorin si një qeveri mafioze. Sot ata u mblodhën me në krye kreun e Meduzës, i cili sapo u kthye si gaztor, si hokatar nga Klopsi u mblodh me qeverinë e tij.

Sipas ligjit të mafies, Omertas, pas 8 orësh mbledhje nuk tha një fjalë të vetme, sepse nuk kishte fytyrë, nuk mund të dilte para gazetarëve, për arsye se bilancet e tij dramatike, tragjike e bënin atë para shqiptarëve ashtu siç ishte hajdut, mashtrues, gaztor. Dhe tani së fundmi na del edhe fallxhor, edhe shikues filxhani në samite ndërkombëtare.

Të dashur miq, mediat e tij njoftuan se kanë diskutuar për integrimin. Para se të shkonte ai u tha shqiparëve se do të merrem me problemet e mëdha të integrimit të Shqipërisë, por u kthye me bisht ndër shalë, u kthye pasi i treguan brrylin, se nuk ka integrim me narko-shtetin që ke ndërtuar. Nuk ka integrim me dhunimin e votës së shqiptarëve. Nuk ka integrim me vjedhjen e papërmbajtur të pasurive dhe fondeve. Nuk ka integrim kurrë me burgosjet politike. Nuk integrim me trafiqet e helmeve, duke bërë Shqipërinë famëzeze në rajon dhe në botë, për trafiqe kriminale lëndësh të rrezikshme.

Doli pas 8 orë mbledhje, nuk shqipëroi dot një fjalë të vetme, por heshtja e tij e akuzon më shumë se çdo gjë tjetër. Heshtja e tij dëshmon kartonin e kuq që i kanë nxjerrë përfundimisht narko-trafikantit, kreut të narko-shtetit, Edi Rama”, theksoi Berisha./ CNA





Lajmet e fundit nga