web counter
LEXO PA REKLAMA!

SHKARKO APP

App Store
Google Play

E fundit!

x

“E gjitha është farsë”/ Vullnet Sinaj debat me Bardhin: Nuk jam përfitues, jam donator

4 Shtator 2024, 11:40, Politikë CNA

“E gjitha është farsë”/ Vullnet Sinaj debat me

Në mbledhjen e Këshillit të Mandatit ku po shqyrtohet mandati i deputetit të PS-së, Vullnet Sinaj u është përgjigjur akuzave se ka përfituar para nga buxheti i shtetit.

Sinaj e quajti një farsë të gjithë mocionin e grupit të PD-së, duke thënë se nuk është përfitues, por donator.

Sinaj nuk ka dha shumë shpjegime për akuzat, por foli për shumat që kishte depozituar në buxhetin e shtetit.

“Po ta dëgjoje Bardhin me shpjegimin e gjatë dhe retorikën juridike edhe unë mund të besoj atë që thotë jo publiku. Jam këtu për të sqaruar opinionin publik.

E gjitha është një farsë, është një gjë qesharake.  

32 milionë nga këto që thua janë rimbursime nga biznese që kanë shkuar në likuiditet.

Janë lekë të biznesit dhe jo të buxhetit. Si ka mundësi të më akuzosh për lekët e biznesit ku jam me kuota pasive.

Për ça ke ardhur këtu të më heqësh mua mandatin e parë se ke marrë dhe fatura të mandatit të parë.

Unë kam qenë biznesmen 20 vjet dhe në politikë kam hyrë për të dhënë kontributin tim.

Rrogën time e kam dhënë për njerëzit në nevojë. Nuk kam përfituar as rrogën time.

Si nuk gjete 100 milionë lekët shumën time të dhënë në kohën e tërmetit në buxhetin shqiptar.

Kam 7 vjet që nuk kam folur kurrë në parlament me fjalën unë dhe në biznes.

Më detyruat të flas hapur këtu.

Si ka mundësi që nuk gjete që kompania ku Vullnet Sinaj është aksioner 100% ka dhuruar 100 mijë euro buxhetit.

Është një biznes familjar ku jam me kuota pasive ku kam person të besuar.

Ka 2500 punonjës. Më ke thënë je përfitues, jam donator në buxhetin e shtetit.

Kompania ka ndërtuar sallën e operacionit në spitalin e kirurgjisë për fëmijët në QSUT.

Katandiset kaposhi në një thelë. Ajo që kërkon të bësh është një farsë.

Nuk kam përfituar nga tenderë, nuk kam fituar nga asnjë koncesion”, tha Sinaj./ CNA





Lajmet e fundit nga