web counter
LEXO PA REKLAMA!

SHKARKO APP

App Store
Google Play

Këshilli i Legjislacionit/ Bardhi: Në 2 muaj Kushtetuesja kapi Kuvendin 4 herë në shkelje

6 Shtator 2024, 13:13, Politikë CNA

Këshilli i Legjislacionit/ Bardhi: Në 2 muaj Kushtetuesja kapi

Kreu i Grupit Parlamentar të PD-së, Gazment Bardhi, anëtar i Këshillit të Legjislacionit, e konsideroi si aspak normale situatën në të cilën ndodhet Kuvendi i Shqipërisë, i cili sipas tij, është kapur në të paktën 4 shkelje kushtetuese. 

Në mbledhjen e sotme ai tha se mazhoranca duhet të kërkojë ndjesë për bllokimin e Komisioneve Hetimore. 

Ai shtoi se Kuvendi duhet të dalë me një qëndrim të qartë dhe të mos zvarrisë më tej çështjen e tatimit të profesioneve të lira, pasi çdokush që ka paguar një taksë që rezultoi antikushtetuese nuk ka pse të presë për t’iu kthyer pas shuma e paguar.

"Mazhoranca po sillet sikur jeni në një situatë normale. Në fakt ky Kuvend nuk është në situatë normale. Në vetëm 2 muaj, Gjykata Kushtetuese ka gjetur 4 herë këtë mazhorancë në shkelje. Përcaktuat rregulla shtypëse për opozitën dhe kërkoni ndjesë për bllokimin e Komisioneve Hetimore. Dhe akoma më shumë kërkoni ndjesë për reprezalen që bëtë ndaj 30 mijë intelektualëve dhe profesionistëve të lirë. Duhet menjëherë të kemi një iniciativë ligjore që secilit prej profesionistëve të lirë t'u kthehen mbrapsht ato para që janë paguar për shkak të një ligji antikushtetues. Çdo akt zvarritjeje do të ishte i turpshëm", u shpreh Bardhi./CNA 





Lajmet e fundit nga