web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen diskutimet në mbledhjen me dyer të mbyllura të Këshillit/ Noka, elozhe Gjekmarkajt

6 Shtator 2024, 20:36, Politikë CNA

Zbardhen diskutimet në mbledhjen me dyer të mbyllura të

Zbardhen diskutimet nga mbledhja e Këshillit Kombëtar të PD-së që u zhvillua me dyer të mbyllura.

I pyetur nga gazetarët nëse listat e PD do të jenë të hapura apo të mbyllura, Sekretari i Përgjithshëm i PD, Flamur Noka shprehet se lista e drejtuesve të qarqeve është kompetencë e Kryetarit dhe se ai mund të ngrejë ekipe ndihmëse.

Gjithashtu Noka shprehet se PD ka hyrë në një betejë për shkak të Ramës, i cili sipas tij po investon për t’i përçarë.

“Ne jemi duke hyrë në një betejë. Kemi 3 vjet që sillemi në vorbull, se na ka përçarë Edi Rama. Sot investon që ne të qëndrojme të përçarë. Jemi në demokraci dhe kjo do të thote liri fjale dhe liri mendimi. Jemi duke hyrë në një betejë që s’ka kthim. Kjo nuk është vetëm e jona, por e atyre demokratëve që na ndjekim”, tha Noka.

Sekretari i Përgjithshëm i PD, Flamur Noka gjithashtu bëri thirrje që demokratët duhet të bashkohen edhe në pjesë të tjera, ndaj çdo sulm ndaj njëri-tjetrit duhet të stopohet.

“Jemi bashkuar dhe duhet të bashkohemi edhe me pjesët e tjera. Jemi duke hyrë në një betejë pa kthim dhe pa ndalim.Ndaj të stopojmë çdo sulm ndaj njëri- tjetrit”, tha Noka.

Noka gjatë fjalës së tij, tha se Gjekmarkaj si nënkryetari i PD-së ka çdo gjë për të dënuar sulmin politik ndaj Berishës, i cili ndodhet në arret shtëpie.

“Gjekmarkaj është njeriu që ka bërë më shumë për të dënuar burgimin politik të Berishes, më shumë se askush tjetër, duke komunikuar me kancelaritë e huaja.

Gjekmarkaj si nënkryetar PD artikulon në çdo institucion ndërkombetar kërkesën për lirimin e liderit tonë”, u shpreh ai.

Nga ana tjetër, deputeti Edi Paloka është shprehur se nëse Rama vjedh sërish zgjedhjet nuk do të dalë të thotë se i vodhi pasi përgjegjësia mbetet tek ata si fillim.

“Nëse Rama na i vjedh prap zgjedhjet s’do dal më të them që na i vodhi. Përgjegjësia tek ne si fillim.Ne nuk hyjmë në zgjedhje për të marrë një mandat.Nëse na i vjedhin prap jemi ne që j’au kemi vjedhur demokratëve.

Ta shohim këtë si betejë jetë a vdekje.Mos e shihni këtë ndarje si sfidë me njëri-tjetrin. Të jemi bashkë për të rrezuar Ramën.Fushata të jetë luftë, jo ne kuptimin figurative”, tha Paloka./ CNA





Lajmet e fundit nga