web counter
LEXO PA REKLAMA!

SHKARKO APP

App Store
Google Play

E fundit!

x

Parashikimet e Ramës/ Gazment Bardhi: Lajmi i vetëm nga asambleja, shkrirja totale e PS-së

8 Shtator 2024, 15:58, Politikë CNA
Parashikimet e Ramës/ Gazment Bardhi: Lajmi i vetëm nga asambleja,
Kreu i grupit parlamentar të PD-së, Gazment Bardhi

Kreu i grupit parlamentar të PD-së, Gazment Bardhi, ka reaguar pas parashikimit që kryeministri Edi Rama bëri nga mbledhja e Asamblesë së PS-së, ku u shpreh se në zgjedhjet e 2025, opozita do të marrë mandate as më shumë dhe as më pak se në 1997.

Përmes një postimi në rrjetet sociale, Bardhi shkruan se nga asambleja personale e Ramës lajmi i vetëm është shkrirja totale e PS-së dhe zëvendësimi i figurave të kësaj force me pupacë.

Bardhi theksoi se i vetmi institut modern ku bazohen parashikimet elektorale të Ramës janë paratë e vjedhura e të drogës që do të hedhë, dhe aktivizimi i bandave që janë shtabet e tij elektorale.

“Lajmi i vetëm nga Asambleja personale e Edi Ramës është shkrirja totale e Partisë Socialiste dhe zëvendësimi i figurave të kësaj force politike me pupacë në xhepin e brendshëm të xhaketës së vjetruar dhe të bërë pis nga ai vetë.

I vetmi që nuk ndryshon është Edi Rama, i cili për pushtetin personal është gati t'i vërë flakën Shqipërisë, e jo më partisë së tij.

Asnjë ide, asnjë reflektim, llogaridhënie, asnjë ndjesë për çfarë ka shkuar keq. Vetëm vazhdim i refrenit të vjetër, fajëso dhe sulmo kundërshtarin, bëj sikur ke ardhur sot në pushtet dhe nuk ke pasur shansin e mundësinë për të rritur rrogat, pensionet, për të forcuar e zhvilluar ekonominë, apo për të luftuar krimin e korrupsionin.

Flet për 2030, por mendjen e ka te 1997. Flet për zhvillim, por mendja i punon vetëm për shkatërrim. Flet për të rinjtë, por mendjen e ka si të fuqizojë kriminelët dhe të korruptuarit. Me pak fjalë, i njëjti në 11 vite, tjetër gjë thotë dhe tjetër gjë bën.

I vetmi institut modern ku bazohen parashikimet e tij elektorale janë paratë e vjedhura e të drogës që do të hedhë, dhe aktivizimi i bandave që janë shtabet e tij elektorale.

Sa herë shihni atë portret që bën si profet, duhet të kujtoni të gjithë horrat, trafikantët e vrasësit që qëndrojnë pas tij, duhet të kujtoni qindra miliona euro të grabitura në rrugë, tunele, koncesione e inceneratorë. Kjo është e vërteta e tij zgjedhore, asgjë tjetër!

Sot më shumë se kurrë ndonjëherë duhet kurajë e bashkim për ta shpëtuar Shqipërinë nga kjo thundër e pistë, e korruptuar dhe e zhytur në krim”, shkruan Bardhi./ CNA





Lajmet e fundit nga