web counter
LEXO PA REKLAMA!

SHKARKO APP

App Store
Google Play

E fundit!

x

“Nuk do të marrë mandate as sa në ‘97”/ Berisha i përgjigjet Ramës: Mos të gënjejë mendja

8 Shtator 2024, 21:45, Politikë CNA
“Nuk do të marrë mandate as sa në ‘97”/ Berisha
Kreu i PD-së, Sali Berisha

Kreu i PD-së, Sali Berisha i është përgjigjur deklaratave të kryeministrit Edi Rama në Asamble, ku tha se opozita nuk do të mund të marrë mandate as sa në vitin 1997.

Berisha, gjatë fjalimit të tij në tubimin para banesës, iu drejtuar Ramës duke i thënë që të mos e gënjejë mendja me ‘97 apo ’98.

Ai i kërkoi kryeministrit të japë dorëheqjen.

“Edi Rama jep dorëheqjen dhe mos të rrejë mendja me 97 apo 98. Qeveri teknike, zgjedhje të lira, zgjedhje të ndershme

Skuadra që Edi Rama paraqiti para shqiptarëve është dhe do të jetë objekti më i fuqishëm i sulmit qytetar.Edi Rama mendon ti se me këta hajdutë që po i rishpëndan nëpër Shqipëri do të mund të mashtrosh, me këta banditë, kriminelë do mund ti kërkosh votë shqiptarëve.

Me mburojën që u bëre me Skapin kujton se mashtron shqiptarët.Jo mor jo, kurrë, as ata as ti nuk kaloni më, jeni të humbur. Jep dorëheqjen dhe mos të rrejë mendja me 97 apo 98.Qeveri teknike, zgjedhje të lira, zgjedhje të ndershme, ndryshim, ndryshim, ndryshim.

Edhe njëherë ua përsëris. Sot ai nxorri ekipin e hajdutëve para jush. Mos harroni kurrë një gjë, se nuk ka qenie më frikacake mbi tokë se hajduti, se i pari që ja mbath është hajduti, se hajduti nuk është qenie drite, por qenie terri, errësire.

Ndaj dhe me epërsi morale, me guxim të gjithë në sulm, të gjithë drejt fitores”, tha Berisha./ CNA





Lajmet e fundit nga