web counter
LEXO PA REKLAMA!

SHKARKO APP

App Store
Google Play

Mitsotakis, “barrierë” Shqipërisë në rrugën drejt BE-së: Pronat e minoritetit, kusht i domosdoshëm

9 Shtator 2024, 12:58, Politikë CNA
Mitsotakis, “barrierë” Shqipërisë në rrugën
Kryeministri grek, Kyriakos Mitsotakis

Kryeministri grek, Kyriakos Mitsotakis, nuk ka ngurruar të “kërcënojë” sërish Shqipërinë me integrimin në BE.

I pranishëm në panairin e 88-të të Selanikut, kreu i qeverisë greke foli për çështjen e të drejtave të pronave të minoritetit grek në vendin tonë, duke e konsideruar si kushtin kryesor për integrimin e Shqipërisë në Bashkimin Europian.

Mitsotakis tha se Greqia dëshiron që të ketë marrëdhënie shumë të mira me Shqipërinë dhe se me eurodeputetin Fredi Beleri do të punojë në Parlamentin Evropian për çështjen e pronave të minoritetit grek.

“Ne synojmë marrëdhëniet më të mira të mundshme me të gjithë fqinjët tanë, përfshirë Shqipërinë. Kaluam një periudhë të vështirë dhe nuk dua të flas me detaje për rastin e Fredi Belerit. Dua të shpreh kënaqësinë time për faktin që ai ishte me ne në Panairin Ndërkombëtar dhe që kjo përvojë krejtësisht e padrejtë dhe e panevojshme që ai kaloi, më në fund, mbaroi.

Më lejoni të them edhe një herë se marrëdhëniet, duke parë imazhin e gjerë, pra marrëdhëniet midis Greqisë dhe Shqipërisë, ne duam t’i kemi shumë të mira. Ato kalojnë nga respektimi i të drejtave të pakicës kombëtare greke të Shqipërisë.

Çështja e të drejtave pronësore nuk ka dalë asnjëherë nga programi ynë. Ajo po rikthehet dhe ajo që ne do të bëjmë është të sigurojmë, me ndihmën edhe të Fredi Belerit në Parlamentin Europian, që të drejtat pronësore të bashkatdhetarëve tanë në Shqipëri të respektohen plotësisht. Do të thosha se ky është një kusht i domosdoshëm që Shqipëria të vazhdojë të ecë në rrugën e saj europiane”, tha Mitsotakis./ CNA





Lajmet e fundit nga