web counter
LEXO PA REKLAMA!

SHKARKO APP

App Store
Google Play

Rama: Të shpëtojmë gjuhën shqipe, në rrezik nga shkurtimet

9 Shtator 2024, 12:31, Politikë CNA
Rama: Të shpëtojmë gjuhën shqipe, në rrezik nga
Kryemistri Edi Rama

Kryemistri i Shqipërisë, Edi Rama, në ditën e parë të shkollës zgjodhi të ishte i pranishëm në Berat, në shkollën “Babë Dudë Karbunara”, një prej 25 institucioneve të reja arsimore, që presin rreth 10 mijë nxënës dhe mësues.

Në fjalën e tij, Rama e vuri theksin tek angazhimi i madh që duhet bërë për të ruajtur gjuhën shqipe.

Ai deklaroi se gjuha shqipe kanoset nga rreziku i madh nga komunikimet e shpejta, shkurtimet, si dhe nga braktisja e të lexuarit dhe shkruarit.

“Familja ime nga babai rrjedh nga Berati, stërgjyshi im ishte një patriot i angazhuar për arritjen e Pavarësisë. Një njeri me të ardhura mesatare, por shumë i angazhuar me patriotë të tjerë për ngritjen e shkollave shqipe, kur gjuha shqipe ishte e kërcënuar.

Njeriu, emrin e të cilit mban shkolla (Babë Dudë Karbunara), mbërriti në Berat në vitin 1897, dhe u mësonte fshehurazi djemve nga një lagje në tjetrën gjuhën shqipe.

Babë Dudë Karbunara la një amanet për gjuhën shqipe, që sot kërcënohet nga armiqësia e komunikimeve të shpejta, me shkurtime të pafundme, deri te braktisja e të lexuarit dhe shkruarit.

Këto janë sfida për të gjithë. Po përpiqemi për të bërë më shumë, duke i kushtuar vëmendje aftësisë së mësimdhënies nëpërmjet teknologjive për të pasur një rrjet mbrojtës për gjuhën shqipe”, theksoi Rama./ CNA





Lajmet e fundit nga