E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Nuk duket në takimin e kryebashkiakëve/ Rama dëbon Veliajn

17 Korrik 2024, 14:07, Aktualitet CNA

Nuk duket në takimin e kryebashkiakëve/ Rama dëbon Veliajn

Mbledhja e Ramës me kryebashkiakët

Ditën e sotme, Kryeministri Edi Rama zhvilloi në Kryeministri një takim me kryebashkiakët e vendit, ku bëri me dije se tashmë legalizimet e pronave do të jenë në duart e kryebashkiakëve.

Po ashtu Rama diskutoi me kryebashkiakët për disa nga problematikat në qarqe të caktuara, por ajo që u vu re është mungesa e Erion Veliajt në këtë mbledhje.

Edi Rama e ka dëbuar Veliajn edhe nga mbledhja e kryebashkiakëve, pas qëndrimeve të qarta që ka mbajtur ndaj tij edhe publikisht.

Rastet kur Rama e fshiu përfundimisht Veliajn

Rasti i parë është ai i ceremonisë së mbajtur në Këshillin Bashkiak të Tiranës, ku Rama thumboi Veliajn, pasi tha se kreun e qeverisë në bashki mund ta kthejë vetëm Ali Ahmeti. Ndërkohë që e fshiu nga fotoja që publikoi në rrjetet e tij sociale.

Edi Rama fshin nga fotoja Erion Veliajn

Postimi i Erion Veliajt

Një tetër rast i fundit i injorimit të Veliajt nga ana e Ramës ishte festa për 33-vjetorin e krijimit të PS-së, që u mbajt para selisë rozë.

Veliaj, në ceremoninë 33-vjetorit të PS-së

Por nuk kanë qenë këto rastet e vetme. Takimi në Milano ishte një tjetër shfaqje publike e injorimit dhe qëndrimit të Ramës ndaj kryebashkiakut.

Në sallën ku u mbajt takimi i kryeministrit me shqiptarët që jetojnë në Itali pati një pjesëmarrje edhe të eksponentëve të Partisë Socialiste, duke nisur nga ministra e deputetë të kësaj force politike. Nga ana tjetër, kryebashkiaku Erion Veliaj është lënë tërësisht në hije në këtë takim.

Takimi i Ramës në Milano

Rasti i fundit lidhet me kantierin ku po ndërtohet Teatri Kombëtar. Rama e fshiu Veliajn nga fotot të cilat i publikoi në rrjetet sociale, të njëjtat të publikuara nga kryebashkiaku Erion Veliaj.

Postimi i kryeministrit Edi Rama, pa Veliajn

Postimi i kryebashkiakut Erion Veliaj

Në fakt nuk duhet të çuditemi, pasi nuk është as hera e parë dhe as e fundit, që Rama e dëbon apo e zhduk Veliajn publikisht nga takimet që zhvillon.

Kryebashkiaku duket se është kthyer në një person të padëshiruar për kryeministrin Rama, i cili ka mbështetur hapur SPAK-un në lidhje me luftën kundër korrupsionit duke i thënë t’i nxjerrë ujin e zi korrupsionit./ CNA