web counter
LEXO PA REKLAMA!

SHKARKO APP

App Store
Google Play

“Ai merak do të të dalë me shpirtin”/ Rama, ironi me Pjerin Ndreun

17 Korrik 2024, 12:26, Aktualitet CNA
“Ai merak do të të dalë me shpirtin”/ Rama, ironi me
Mbledhja e kryebashkiakëve me Ramën, burimi i fotos: LSA

Kryeministri Edi Rama, gjatë takimit me kryebashkiakët, nuk ka ngurruar të shkëmbejë dhe ironi me njërin prej tyre, Pjerin Ndreun, kryebashkiakun e Lezhës.

Rama i tha të ndjekë shembullin e kryebashkiakut të Shijakut për rindërtimin dhe legalizimet duke i përmendur dhe profesionin e tij në të kaluarën si polic.

Pjerin Ndreu iu përgjigj ironisë së kryeministrit duke thënë se e ka për nder që ka qenë polic.

Biseda mes Ramës dhe Pjerin Ndreut

Rama: Kam një fjalë për ty, Elton: ishe kampioni i rindërtimit. E bëre Shijakun avangardën në rindërtim duhet të bëhesh kampion i legalizimeve. Dakord? Sepse kur i thoja Pjerinit merr shembullin nga Shijaku për rindërtimin thoshte është punë e vogël. Shembullin tënd t’ia tregoj Pjerin Ndreut dhe t'i them ja si bëhen legalizimet se nuk do të rrimë vetëm duke të të lavdëruar ty policia.

Ndreu: Njolla e policit më ka ndjekur. E kam për nder.

Rama: Të mos ishe polic nuk do të ishte kryetar bashkie. Ja e sheh, bën polemikë. Ai merak do të të dalë me shpirtin.

Ndreu: Kur doni me sha njeri thoni je ba si polic.

Rama: Pse përhap lajme të rreme. Nuk e them, këtë shaka e bëre si polic.

Ndreu: Mund ta bëjmë më mirë procesin e legalizimit. Kemi rol honorifik.

Rama: Nuk je i qartë dhe nuk je sepse dole këtu se të doli emri si polic, nuk je i përgatitur. Është bashkia që do të udhëheqë procesin. Kadastra merr emrat e bashkisë dhe bën regjistrimin. Çfarë nuk pasqyrohet shkoni te ministri. Nëse e lëmë vetëm në një dorë, do të kemi probleme.

Ndreu: Prapë kam mendim ndryshe.

Rama: Me këtë konkluzion të policisë, ju falënderoj dhe punë të mbarë./ CNA





Lajmet e fundit nga