web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për çështjen "Gërdeci"/ Fatmir Mediu dhe njëri nga ekspertët nuk ishin të pranishëm

17 Korrik 2024, 09:54, Aktualitet CNA
Shtyhet seanca për çështjen "Gërdeci"/ Fatmir
SPAK, foto: LSA

Të mërkurën, Gjykata e Posaçme ka shtyrë sërish seancën për "Gërdecin", ndërsa kësaj radhe shkak është bërë mungesa e njërit prej ekspertëve, Ymer Stafa.

Raportohet se në seancën e sotme nuk ishte i pranishëm ish-ministri i Mbrojtjes, Fatmir Mediu, si dhe mungoi edhe avokati i tij mbrojtës, Ardian Visha. I pranishëm ishte vetëm avokati Henrik Ligori.

Prokurori Klodian Braho: Nuk ka raport mjekësor për ekspertin që mungon dhe gjendja e tij shëndetësore nuk e pengon që të jetë në seancë. Eksperti të thirret në gjykatë dhe të japë mendimin e tij. Ekspertët të marrin edhe pyetjet e reja dhe të formulojnë një dokument të vetëm. Të kemi edhe ne një kopje të pyetjeve që të jemi të përgatitur në seancë. Ekspertët të marrin kohën e nevojshme.

Henrik Ligori: Është e domosdoshme prania e ekspertit të 5-të, duhet të gjithë për t'u përgjigjur. Të marrin kohën e nevojshme që të realizohet përgjigjja e të gjithëve.

Në seancën e kaluar, e cila u mbajt më 10 korrik, pati debate në sallë për natyrën e pyetjeve nga avokati i Fatmir Mediut. Ardian Visha debatoi me gjyqtaren Irena Gjoka për presion ndaj ekspertëve dhe gjyqtarja urdhëroi nxjerrjen e tij jashtë sallës.

Në lidhje me këtë proces gjyqësor, ish-ministri i Mbrojtjes, Fatmir Mediu, shprehet se nuk ka bërë asnjë shkelje ligjore dhe kërkon që të zbardhet e vërteta. 

Shpërthimi në Gërdec ndodhi më 15 mars 2008 ku humbën jetën 26 persona./CNA 





Lajmet e fundit nga