web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria e Durrësit çon në gjyq punonjësit e ASHK-së

16 Korrik 2024, 15:38, Aktualitet CNA
Prokuroria e Durrësit çon në gjyq punonjësit e
Prokuroria e Durrësit

Prokuroria e Durrësit ka dërguar në gjyq punonjësit e ASHK-së Kavajë, të cilët janë vënë nën akuzë për “Falsifikim të dokumenteve” dhe “Shpërdorim detyre”.

Të pandehur janë ish-drejtori i Agjencisë Shtetërore të Kadastrës (ASHK) Kavajë, inxhinieri dhe juristi i institucionit, shtetasi D.K. dhe S.C. 

Në përfundim të hetimit të procedimit penal nr.483 të filluar në datën 21.10.2021, u ngritën dyshime të arsyeshme dhe të bazuara në prova se punonjësit e ASHK-së Kavajë, hartografi që ka përpiluar hartën Ing. D. K. dhe regjistruesi i ASHK-së Kavajë S.C., i cili ka nënshkruar dhe konfirmuar praktikën certifikatën për vërtetim pronësie të pasurisë numër 399, kanë falsifikuar dokumentet, hartat e pronës dhe kanë pajisur me certifikatë për vërtetim pronësie babain e shtetasve I. T dhe Q. T., për pasurinë më datë 23.05.2016, duke i ndryshuar vendin pronës prej 1900 m2 nga ullishte në pasurinë, e cila ka qenë tokë pa frut në vitin 1991 për më shumë përfitime.

Nga hetimet e kryera, rezulton se shtetasi S.C. me detyrë ish-regjistrues në ASHK, Kavajë, ka konsumuar elemente të veprës penale të “Shpërdorimit të detyrës" parashikuar nga neni 248 i K. Penal. Ky shtetas me detyrën e kryeregjistruesit ka regjistruar pronën duke shkelur Ligjin nr.33/2021 (ndryshuar me ligjin nr. 9/2016, datë 11.02.2016 “Për regjistrimin e pasurive të palujtshme” neni 20, pika “C” neni 25 “Mënyra e regjistrimit fillestar pika “b” neni 29, pika “1", Rregulloren nr. 184/1999, “Mënyra e regjistrimit fillestar”, Ligjin nr.171/2014, “Për përfundimin e procedurave ligjore të kalimit të tokës bujqësore të ish-ndërmarrjeve bujqësore në pronësi të përfituesve”, neni 3, “Kriteret për pajisjen me aktin e marrjes së tokës në pronësi”.

Po kështu, nga hetimet e kryera rezulton se shtetasi D.K. ka konsumuar veprën penale të falsifikimit të dokumenteve pasi si person që ka pasur detyrë të verifikojë pozicionimin e pronës së fituar me AMTP, ai ka lëshuar një hartë, e cila nuk përputhet me AMTP.

Nga verifikimi i kësaj harte, ky dokument nuk plotëson asnjë kriter minimal për t’u quajtur dokument zyrtar dhe nuk tregon asnjë pozicionim të pronës. Ky dokument është një skicë e komisionit të ndarjes së tokës në vitin 1991, por që nuk ka asnjë lidhje me pasurinë në fjalë. Po kështu ASHK Kavajë nuk ka dërguar planin e rilevimit./ CNA





Lajmet e fundit nga