web counter
LEXO PA REKLAMA!

SHKARKO APP

App Store
Google Play

E fundit!

x

Gjykata rrëzon Berishën/ Muçollari: Dëshmi se nuk ekziston shpresa për drejtësi

16 Korrik 2024, 15:11, Aktualitet CNA

Gjykata rrëzon Berishën/ Muçollari: Dëshmi se nuk ekziston

Gjykata e Lartë rrëzoi sot kërkesën e kreut të PD-së, Sali Berisha, dhe dhëndrit të tij Jamarbër Malltezi, duke lënë në fuqi masën e sigurisë arrest shtëpie.

Anëtari i Kryesisë së PD-së, Grigels Muçollari, tha se vendimi i Gjykatës është një dëshmi se nuk ekziston shpresa për drejtësi në asnjë instancë, dhe se prokuror e gjykatës i çdo niveli në Shqipëri është i ngjashmi i Edi Ramës.

Sipas Muçollarit, Gjykata e Lartë duhej të ndalonte sot absurdin juridik të mbajtjes në arrest të liderit të Opozitës, Sali Berisha, pa asnjë provë, pa asnjë dëshmi, pa asnjë akuzë.

“Vendimi i sotëm i Gjykatës së Lartë është një dëshmi se nuk ekziston shpresa për drejtësi në asnjë instancë, dhe se prokuror e gjykatës i çdo niveli në Shqipëri është i ngjashmi i Edi Ramës.

Gjykata e Lartë duhej të ndalonte sot absurdin juridik të mbajtjes në arrest të liderit të Opozitës, Sali Berisha, pa asnjë provë, pa asnjë dëshmi, pa asnjë akuzë.

Por kjo nuk ndodhi, duke thelluar edhe më shumë padrejtësinë dhe përndjekjen politike të kundërshtarit, në një regjim të kontrolluar çdo ditë e më shumë nga Edi Rama.

6 muaj arrest për liderin e Opozitës ishin gjurma e pushtetit në drejtësi dhe një damkë e rëndë për vendin anëtar në NATO dhe kandidat për anëtarësim në BE.

Kjo damkë vijon edhe pas ditës së sotme, pasi Gjykata e lartë humbi rastin të dëshmohet se është zbatuese e ligjit dhe jashtë ndikimit të qeverisë.

Vendimi i sotëm është një ftesë për qytetarët e demokratët që të rezistojnë edhe më shumë, e të mos e lëmë vendin të bjerë në greminën kur drejtësinë e jep njeriu që është identifikuar si burimi më i madh i korrupsionit në vend, dhe që ka lidhjet më të rrezikshme me krimin”, shkruan Muçollari./ CNA





Lajmet e fundit nga