web counter
LEXO PA REKLAMA!

SHKARKO APP

App Store
Google Play

E fundit!

x

Vjedhjet e Veliajt mbërrijnë në prestigjiozen kroate

16 Korrik 2024, 14:58, Aktualitet CNA
Vjedhjet e Veliajt mbërrijnë në prestigjiozen kroate
Erion Veliaj, foto ilustruese

Korrupsioni në Bashkinë e Tiranës ka mbërritur në një media prestigjioze kroate. Deputeti i PD-së, Klevis Balliu, në një intervistë për "Veçernji list", ka folur për përfshirjen e kryebashkiakut Erion Veliaj në aferat korruptive.

Balliu ka deklaruar për prestigjiozen kroate se Veliaj është kapur në një skandal të madh korruptiv dhe për këtë po protestohet prej 4 muajsh dhe se opozita nuk do të ndalet deri në dorëheqjen e tij.

“Unë jam përgjegjës për organizimin e protestave dhe koordinimin e tubimeve dhe informimin e popullit shqiptar të këtij qarku për korrupsionin e qeverisë së Edi Ramës dhe bashkive të Tiranës dhe Durrësit. Sigurisht që i njoftoj edhe me zgjidhjet që ofron Partia Demokratike nëpërmjet programit tonë, i cili përgatitet nga dikasteret tona. Në një skandal të madh korruptiv, sot është kapur edhe kryetari i Bashkisë së Tiranës, Erion Veliaj, për çka jemi duke protestuar katër muaj, dhe nuk do të ndalemi derisa ai të japë dorëheqjen”, ka thënë Balliu.

Deputeti vijon duke thënë se duhet t’i jepet prioritet mjedisit pasi ka pësuar një goditje të madhe për shkak të veprimeve të kryebashkiakut të Tiranës, Erion Veliaj, i cili në bashkëpunim me krimin kombëtar dhe ndërkombëtar si Ndrangheta, përdori Tiranën si makinë pastrimi parash për tregtimin e drogës në ndërtimtari.

“Një vështirësi e madhe është stabiliteti i ekonomisë. Duhet të ulet vlera dhe numri i taksave e të luftohet korrupsioni që u mori miliona kryeqytetasve. Prioritet duhet t'i jepet mjedisit sepse pësoi një goditje të madhe për shkak të veprimeve të kryebashkiakut të Tiranës, Erion Veliaj, i cili në bashkëpunim me krimin kombëtar dhe ndërkombëtar si Ndrangheta, përdori Tiranën si makinë pastrimi parash për tregtimin e drogës në ndërtimtari. Brenda pak vitesh në Tiranë u ndërtuan nëntë milionë metra katrorë. Sa i përket Durrësit, Partia Demokratike do të mbështesë turizmin e qëndrueshëm”, u shpreh ai.

Ndër të tjera, deputeti Klevis Balliu ka deklaruar se politika e tolerancës zero do të jetë politika e PD-së.

“Qeveria aktuale ka të dhëna të pabesueshme për korrupsionin. Shumë deputetë dhe ministra të qeverisë janë paditur dhe janë duke vuajtur dënimin, por projektet korruptive për të cilat ata akuzoheshin vazhdojnë. Shembulli kryesor është inceneratori 500 milionësh, projekti i sterilizimit e shumë të tjerë. Politika e tolerancës zero do të jetë politika e Partisë Demokratike. E kemi bërë më parë dhe do ta bëjmë përsëri”, përfundoi Balliu./ CNA





Lajmet e fundit nga