web counter
LEXO PA REKLAMA!

SHKARKO APP

App Store
Google Play

Raportimi i Dumanit/ Bushati: Nuk dha përgjigje duke u justifikuar me sekretin hetimor

15 Korrik 2024, 21:44, Aktualitet CNA
Raportimi i Dumanit/ Bushati: Nuk dha përgjigje duke u justifikuar me
Analisti Andi Bushati

Analisti Andi Bushati ka komentuar raportimin e kreut të SPAK-ut Altin Dumani sot në Kuvend.

Ai është shprehur se drejtuesi i një institucioni duhet të flasë për politike, objektiva synimi pasi çdo qytetar do të dijë se çfarë do të bëhet me drejtësinë dhe pandëshkueshmërinë.

Sa i përket termit krim intelektual të përdorur nga Dumani, Bushati tha se “cila është shkenca në vjedhje duhet që të marrësh lekët nga një incenerator që nuk e ke ndërtuar kurrë, duket një vjedhje me stil për diçka që nuk ekziston dhe cila është ajo intelektulizëm që të firmosësh procedura që janë kompetencë e këshillit bashkiak”

"Drejtuesi i një institucioni duhet të flasë për politike, objektiva synimi dhe jo të bësh si kryetar koperative se realizuam aq përqindje. Çdo qytetar do të dijë se çfarë do të bëhet me drejtësinë dhe pandëshkueshmërinë.

Të fasësh këtu për aspekte burokratike e shndërron në një gjë koti. Nëse ti shkon në parlament dhe nuk jep asnjë përgjigje duke u justifikuar me sekretin hetimor më mirë mos dil fare dhe mbyllet aty.

Sa i përket atyre pseudo arrestimet për inceneratorët, kemi katër vite që nuk ka njeri aty që nuk e di se këtu është bërë nami me vjedhje dhe nuk ka asnjë përgjegjës përpara drejtësisë.

Dëgjova termin krim intelektual, dhe Dumani tha që mezi zbulohen por them cila është shkenca në vjedhje duhet që të marrësh lekët nga një incenerator që nuk e ke ndërtuar kurrë, duket një vjedhje me stil për diçka që nuk ekziston dhe cila është ajo intelektulizëm që të firmosësh procedura që janë kompetencë e këshillit bashkiak.

Këtu po kërkohet të bësh alibinë se përse unë nuk kam guxim që të hetoj hajdutët e vërtetë të inceneratorëve ndërsa Dumani kupton tani që populli është lodhur me justifikimet bajate në lidhje me inceneratorët" , tha analisti Andi Bushati./ CNA





Lajmet e fundit nga