web counter
LEXO PA REKLAMA!

SHKARKO APP

App Store
Google Play

Beleri takim "kokë më kokë" me Mitsotakis/ Zbardhen diskutimet

15 Korrik 2024, 16:54, Aktualitet CNA
Beleri takim "kokë më kokë" me Mitsotakis/ Zbardhen
Fredi Beleri

Fredi Beleri ka zhvilluar një takim kokë më kokë me kryeministrin e Greqisë, Kyriakos Mitsotakis në Pallatin Maximos.

Mitsotakis e ka përgëzuar për zgjedhjen si eurodeputet grek dhe ka shprehur bindjen se Bele,ri do t’i përmbushë detyrat e tij.

Kryeministri i Greqisë shpreson që Beleri të dalë nga burgu shumë shpejt dhe të vazhdojnë të ecin përpara.

“Kam shumë arsye, i dashur Fredi, të jem i lumtur t’ju mirëpres sot në Megaros Maximos. Së pari, më lejoni t’ju përgëzoj për zgjedhjen tuaj si eurodeputet grek tani, në Bruksel dhe Strasburg, me Demokracinë e Re. Jam i sigurt se do t’i përmbushni plotësisht detyrat tuaja. Më lejoni t’ju them se sa i lumtur jam që kjo aventurë e madhe duket se po i vjen fundi. Është e vetëkuptueshme, ju keni marrë licencën që të mund të ushtronit detyrat tuaja dhe të bënit betimin. Shpresoj që shumë shpejt të dilni përgjithmonë nga burgu, që ky kapitull i dhimbshëm të mbyllet për të gjithë ne, që të ecim përpara, të shohim përpara”, tha Mitsotakis.

Beleri nga ana tjetër ka falenderuar kryeministrin e Greqisë për mbështetjen që i ka dhënë gjatë kësaj periudhe të vështirë dhe se do të nderojë besimin që i kanë dhënë në fletën e votimit.

“Dua t’ju falënderoj personalisht që më keni mbështetur gjatë gjithë kësaj kohe. Unë do të nderoj besimin që më keni dhënë duke më futur në fletën e votimit europian. Mendoj se shteti ku jetojmë nuk është e vetëkuptueshme shteti ligjor, e drejta për të zgjedhur dhe për t’u zgjedhur. Unë dua t’i ndihmoj ata. Të ndihmojë pakicën kombëtare greke të qëndrojë në shtëpitë stërgjyshore, por edhe që ky shtet të afrohet dhe të bëhet anëtar i familjes europiane”, tha ai./ CNA





Lajmet e fundit nga