web counter
LEXO PA REKLAMA!

SHKARKO APP

App Store
Google Play

Skandali 5D dhe inceneratorët, a kanë dorë Rama dhe Veliaj?/ Përgjigjia e koduar e Dumanit

15 Korrik 2024, 16:08, Aktualitet CNA
Skandali 5D dhe inceneratorët, a kanë dorë Rama dhe Veliaj?/
Kuvendi i Shqiperise, foto ilustruese

Kreu i SPAK-ut Altin Dumani i është përgjigjur pyetjeve të deputetit Agron Shehaj i cili e pyet prokurorin nëse mendon se Rama dhe Veliaj nuk kanë dorë në skandalin e inceneratorëve dhe dosjen 5D.

Dumani theksoi se nuk ka nevojë për mbrojtjen e askujt. Kreu i SPAK tha se vija e kuqe për prokurorët janë provat dhe ligjit.

Dumani u shpreh se, prokurorit nuk i lejohet të shfaqë mendime por të mbledhë prova dhe të veprojë me akte proceduriale.

Kreu i SPAK tha se, çdo gjë ka kohën e saj hetimi kërkon ndërveprimin e shumë institucioneve.

Pjesë nga raportimi në Kuvend:

Agron Shehaj: Unë mendoj se po hetoni skandalet më të mëdha në Shqipëri, duke mos përfshirë në hetime kryeministrin nuk besoj se kjo besueshmëri do vazhdojë të qëndrojë. Ju vërtetë mendoni që kryeministri nuk ka dorë në skandalin e inceneratorëve?

Ju vërtetë mendoni që në skandalin 5D ku ju keni hetuar dhe arrestuar një pjesë të madhe të drejtorëve nuk ka dorë kryetari i bashkisë së Tiranës?

Altin Dumani: Nuk kam nevojë për mbrojtjen e askujt. Mbrojtja ime është ligji, Kushtetuta dhe personaliteti im.

A ka një vijë të kuqe? Ka një vijë të kuqe që janë provat dhe ligji.

Prokurorit nuk i lejohet të shfaqë mendime por të mbledhë prova dhe të veprojë me akte proceduriale.

Zoti Shehaj çdo gjë ka kohën e vet e thashë dhe pak më parë hetimi kërkon ndërveprimin e shumë institucionevee.

Jo se dua ta justifikohem në zgjatjen e afatit të hetimit por janë çështje që kërkojnë angazhim dhe burime njerëzore dhe bashkëpunim nga institucionet./ CNA





Lajmet e fundit nga