web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorit të Tiranës/ Dumani: Hetimi është kompleks, prokurorët po punojnë

15 Korrik 2024, 14:29, Aktualitet CNA
Afera e inceneratorit të Tiranës/ Dumani: Hetimi është
Altin Dumani, foto: LSA

Kreu i SPAK-ut, Altin Dumani, ka prezantuar në Kuvend rezultatet e Strukturës së Posaçme për vitin 2023. Ai është pyetur nga disa deputetë të opozitës për një sërë çështjesh. 

Deputeti Flamur Noka e pyeti Dumanin nëse kryebashkiaku Erion Veliaj ndodhet në hetim për inceneratorët. Dumani u shpreh se nuk mund të japë dot përgjigje, duke i sugjeruar që të bëjë kërkesë për informacion.

Ai sqaroi më tej se kjo çështje është në hetim paraprak, pasi është edhe komplekse, ndërkohë që prokurorët po punojnë. 

Flamur Noka: Ju po hetoni megaaferën e inceneratorëve. Shqiptarët kanë parë se para drejtësisë janë disa specialistë të niveleve të larta. Për inceneratorin e Tiranës, a janë caktuar masa të reja? Kokat e aferave të gjithë i dinë, vetëm ju jo. A janë zbatuar masat dhe ku ka çeduar zbatimi i tyre? Operacioni i fundit u dekonspirua. A po hetoni? A po hetohet Erion Veliaj? A ka hetime për familjarët e Veliajt? A jeni në dijeni të transfertave nga jashtë të 6 milionë eurove, me emrin e vëllait të Veliajt? A mendoni se Veliaj si kryebashkiak dëmton hetimet për inceneratorët, "5D" apo implikimin e vëllait të tij në afera? A po hetohen kompanitë në Qipro dhe shtete të tjera? Pse nuk sekuestrohen sera dhe toka në Sharrë, që kanë të bëjnë me inceneratorin e Tiranës? A po hetohet një kompani për shkelje kontrate për respiratorët? Solli 5 respiratorë dhe jo mbi 50, që duhet të sillte.

Altin Dumani: Jeni kallëzues, bëj kërkesë për informacion dhe si kallëzues e do të merrni të gjitha informacionet. Lidhur me inceneratorin e Tiranës, është çështje në hetim paraprak dhe për të cilën po kryhen hetimet e nevojshme. SPAK-u po heton inceneratorët. Hetimi është kompleks. Duam të bëjmë hetim objektiv./CNA 





Lajmet e fundit nga