web counter
LEXO PA REKLAMA!

SHKARKO APP

E fundit!

x

Raporti vjetor i SPAK-ut/ Dumani raporton sot në Parlament

15 Korrik 2024, 07:46, Aktualitet CNA
Raporti vjetor i SPAK-ut/ Dumani raporton sot në Parlament
Altin Dumani, kreu i SPAK-ut

Kreu i SPAK-ut, Altin Dumani, pritet të raportojë në seancën e sotme në parlament mbi punën njëvjeçare të Prokurorisë së Posaçme.

Rreth një muaj më parë, Dumani paraqiti në Komisionin e Ligjeve raportin vjetor mbi punën e institucionit që ai drejton.

Gjatë raportimit ai u ndal tek arrestimi i zyrtarëve të nivelit të lartë, ndërsa përmendi edhe magjistratë të shkarkuar nga vetingu. 

Kreu i SPAK-ut publikoi edhe shifrat gjatë 2023-shit, ku tha se janë sekuestruar 41 milionë euro pasuri. 

Sipas tij, 237 të paraburgosur ka pasur prej SPAK-ut, më pak se 9% e totalit të personave në paraburgim.

Dumani, në fjalën e tij, ngriti edhe shqetësimin e "fatit" të prokurorëve të SPAK-ut, pas mbarimit të mandatit. Ai i bëri një thirrje Kuvendit për një përcaktim të qartë ligjor. Sipas tij kjo Strukturë e Posaçme ka nevojë për burime njerëzore. 

Dumani u bëri thirrje institucioneve që të bashkëpunojnë me SPAK-un për të luftuar korrupsionin. 

Sa i përket Komisonit të Posaçëm që do të thërrasë në Apel institucionet e vendit, Dumani tha se duhet të mbrohet pavarësia institucionale dhe të respektohen pushtetet./CNA 





Lajmet e fundit nga