web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Dumani: Grup kriminal ndër më të rrezikshmit, vijon ende hetimi

15 Korrik 2024, 13:23, Aktualitet CNA
Inceneratori i Tiranës/ Dumani: Grup kriminal ndër më të
Altin Dumani

Kreu i SPAK-ut, Altin Dumani, gjatë raportimit të tij në Kuvend, u shpreh për inceneratorin e Tiranës se çështja është ende në hetim dhe është një hetim mjaft kompleks.

Ai theksoi se kemi të bëjmë me krim intelektual që është përpjekur të fshehë gjurmët duke shfrytëzuar hapësirat ligjore. 

Sipas Dumanit, në këtë dosje kemi të bëjmë me një nga grupet e krimit të organizuar ndër më të rrezikshmet. 

"Është në hetim paraprak dhe është një hetim mjaft kompleks, prokurori i çështjes e di. Kam nxitur prokurorët që të hetojnë dhe të përfundojnë evadimin e çështjes dhe kam shtuar numrin e hetuesve. Gjatë vitit 2023 ka pasur ecuri. Hetimi i çështjeve është i vështirë, sidomos te çështjet me natyrë korruptive janë më të vështira për t'i hetuar dhe krimet në detyrë janë krime intelektuale. Intelektuali para se të bëjë krimin, përpiqet të fshehë edhe gjurmët apo shfrytëzon edhe hapësirat ligjore. E njëjta logjikë vlen edhe për krimet e grupit të organizuar, kemi të bëjmë me grupet e krimit të organizuar ndër më të rrezikshmet. Çështja është nën hetim paraprak. Kemi vënë në dijeni publikun për zhvillimin e hetimeve. Çështja është ende nën hetim. Është shumë kompleks si hetim", u shpreh Dumani./CNA





Lajmet e fundit nga