web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Apeli i GJKKO-së kthen në qeli Namik Simixhiun

5 Korrik 2024, 13:28, Aktualitet CNA

Inceneratori i Tiranës/ Apeli i GJKKO-së kthen në qeli Namik

Të premten, Apeli i Posaçëm ka vendosur që të rikthejë në burg Namik Simixhiun, i akuzuar nga SPAK-u për inceneratorin e Tiranës.

Simixhiu po hetohej në masën “arrest në shtëpi”, por Apeli i GJKKO-së vendosi ta ashpërsojë masën me “arrest në burg”.

Simixhiu është i dyshuar për kryerjen e veprës penale “Shpërdorimi i detyrës” kryer në bashkëpunim të veçantë në formën e grupit të strukturuar kriminal.

Drejtorët dhe zyrtarët e Erion Veliajt u arrestuan në datën 8 dhjetor të vitit 2023.

Në pranga u vunë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Njoftimi: 

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarI Dhimitër Lara, sot më 05.07.2024,shpalli vendimin mbi çështjen penale nr. 141 akti, datë 25.06.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, me objekt: “Ankim ndaj vendimit nr. 238, datë 06.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar”,ndaj shtetasit nën hetim N.S.,disponuar në lëndë të masave të sigurimit personal, dhe vendosi:

Ndryshimin e vendimit nr. 238, datë 06.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar,për të hetuarin z.N.S., duke urdhëruar:

Vazhdimin e zbatimit të masës së sigurimit personal shtrëngues të “arrestit në burg” për të hetuarin z. N.S., caktuar me vendimin nr. 134, datë 07.12.2023, i dyshuar për kryerjen e veprës penale “Shpërdorimi i detyrës” kryer në bashkëpunim të veçantë në formën e grupit të strukturuar kriminal, sipas neneve 28, 248, 334 të Kodit Penal./CNA 

 





Lajmet e fundit nga