web counter
LEXO PA REKLAMA!

SHKARKO APP

App Store
Google Play

E fundit!

x

Ndërhyhet nga ajri në Dhërmi/ Peleshi, thirrje strukturave vendore

4 Korrik 2024, 18:18, Aktualitet CNA

Ministri i Mbrojtjes, Niko Peleshi ka reaguar për zjarrin e përhapur në Dhërmi, që rrezikon banesat.

Me anë të një statusi në rrjetet sociale, Peleshi njofton se ndërhyrja me mjete ka qenë e vështirë për shkak të terrenit të thyer.

Ai bën të ditur se për shuarjen e flakëve po ndërhyhet nga ajri me helikopterin “Cougar”.

Peleshi i bën thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë.

“Helikopteri Cougar dhe efektivë të FA kanë shkuar në ndihmë të forcave që po përpiqen të shuajnë zjarrin e rënë këtë pasdite në Dhërmi. Për shkak të terrenit të vështirë, situata ka qenë disi problematike për ndërhyrjen me mjete, por trupat janë duke punuar për të vënë në kontroll të plotë flakët.

U bëjmë thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë. FA, Agjencia e Mbrojtjes Civile dhe Ministria e Mbrojtjes janë në gatishmëri të plotë në çdo rast, kur kërkohet ndihma e tyre”, thekson ministri i Mbrojtjes./ CNA





Lajmet e fundit nga