web counter
LEXO PA REKLAMA!

SHKARKO APP

E fundit!

x

GJKKO jep të shtunën masat e sigurisë për Beqajn dhe personat e akuzuar

5 Korrik 2024, 10:28, Aktualitet CNA
GJKKO jep të shtunën masat e sigurisë për Beqajn dhe
Ilir Beqaj

Gjykata e Posaçme ka shtyrë për nesër rivlerësimin e masave të sigurisë për ish-ministrin e Shëndetësisë, Ilir Beqaj, dhe 5 personat e tjerë. 

Seanca e parë e gjyqësore u zhvillua sot, por nuk pati asnjë vendim, pasi avokati i Beqajt kërkoi të njihet me dosjen hetimore. 

Të enjten, Gjykata e Posaçme me kërkesë të SPAK-ut lëshoi 7 masa sigurie, 3 "arrest me burg", 2 "arrest shtëpie" dhe 2 "detyrim paraqitje" si dhe kontrolle në banesa apo objekte, pas hetimeve për abuzimet me fondet e BE-së. 

Alfred Nikolla është një nga personat e arrestuar sot me urdhër të SPAK-ut, pas hetimeve për abuzimet me fondet e BE-së. Bashkë me të kanë rënë në prangat e policisë ish-ministri i Shëndetësisë, Ilir Beqaj, dhe Ermal Kurtulaj. 

Në arrest shtëpie janë lënë Gazmend Haxhia dhe Elton Marini, ndërsa janë kontrolluar banesat për dy persona të tjerë, Bledar Leka dhe Bjona Zijaj. 

Urdhër-arrestet janë firmosur nga prokurorja Elida Kaçkini, ndërkohë që vendimi për ekzekutimin e tyre është marrë nga gjyqtarja Rudina Palloi.

Mbi Beqajn dhe personat e tjerë rëndojnë veprat penale, “korrupsion pasiv i funksionarëve shetërorë”, “korrupsion aktiv i funksionarëve publikë”, “mosdeklarim dhe fshehje pasurie”, “mashtrim kryer në bashkëpunim” dhe “shkelje të barazisë në tendera”./CNA 





Lajmet e fundit nga