web counter
LEXO PA REKLAMA!

SHKARKO APP

App Store
Google Play

E fundit!

x

KQZ: Shpallim të pavlefshëm mandatin e Fredi Belerit

5 Korrik 2024, 11:34, Aktualitet CNA
KQZ: Shpallim të pavlefshëm mandatin e Fredi Belerit
Fredi Beleri, në KQZ, foto LSA

Komisioni Qendror i Zgjedhjeve vendosi këtë të premte që të shpallë të pavlefshëm mandatin e Fredi Belerit.

"Mandati i kryetarit të Himarës i pavlefshëm", është vendimi i KQZ-së. 

Në mbledhjen e sotme ishte i pranishëm edhe vetë Beleri, i cili u shpreh se ndaj tij është bërë padrejtësi. 

"Mua më janë bërë padrejtësi. Lejen e sotme duhet ta merrja për të bërë betimin. Duhet të betohem dhe më pas të më shkarkojnë, siç e do Kushtetuta. Ata që vendosën rrëmbimin e Bashkisë së Himarës e nuk duan që himarjotët të shprehen duhet t’i lini të pinë gotën e helmit deri në fund. Unë duhet të betohem e të më shkarkojnë. Jam i qartë që mandati im si kryetar bashkie ka mbaruar, por duket qartë arroganca e tyre që t'i bëjnë votimet në gusht. Pse KQZ t'i bashkohet kësaj kërkese. Kam frikë se gjysma e bashkisë do të shkojnë në burg. Drejtoju Kushtetueses ta zgjidhë një herë e mirë këtë", u shpreh Beleri.

Beleri u shoqërua paraditen e sotme nga forcat e policisë së burgjeve nga burgu i Fierit, ku dhe vuante dënimin, drejt KQZ-së. 

Ndërkohë avokatja e tij, Klodiana Gjyzari, u shpreh se kjo është një procedurë e pavlefshme dhe se KQZ-ja nuk ka asnjë kompetencë për marrë një vendim të tillë. 

Gjykata kundër Korrupsionit dhe Krimit të Organizuar vendosi pak muaj më parë të dënojë me dy vjet burg kryebashkiakun e zgjedhur të Himarës, Fredi Beleri, për korrupsion aktiv në zgjedhjet e 14 majit të 2023-shit./CNA 

 





Lajmet e fundit nga