web counter
LEXO PA REKLAMA!

SHKARKO APP

App Store
Google Play

E fundit!

x

Dumani në Kuvend: 5 qytetet ku kemi evidentuar korrupsion të zyrtarëve të drejtësisë

15 Korrik 2024, 12:19, Aktualitet CNA
Dumani në Kuvend: 5 qytetet ku kemi evidentuar korrupsion
Altin Dumani

Kreu i SPAK-ut, Altin Dumani, gjatë raportimit të tij në Kuvend për punën e strukturës që ai drejton, tha se Prokuroria e Posaçme vijon punën duke u bazuar në ligj. 

Ai theksoi se korrupsioni i zyrtarëve të drejtësisë është evidentuar gjatë vitit 2023 në Durrës, Shkodër, Tiranë, Laç dhe Fushë-Krujë. 

Ndërkohë, Dumani nënvizoi edhe mungesën e statusit të prokurorit pas mbarimit të mandatit.

Fjala e Dumanit: 

457 janë hetuar me masë sigurie. Kemi sekuestruar pasuri me vlerë 41 milionë euro. Ne kemi detyrë të hetojmë dhe këtë e bëjmë në bazë të ligjit. Hetojmë krimin e organizuar, sot për të qenë realistë, masat arrest me burg zënë vetëm 49%. Masat tona zënë vetëm 8.5% të të gjithë të burgosurve të Shqipëri. Kemi mungesë të statusit të prokurorit pas mbarimit të mandatit. Kemi problem mungesën e referimeve nga institucionet publike. 

Hetimet tregojnë se grupet kriminale janë sofistikuar kryesisht në trafikun e drogave të forta, kanë aktivitet ndërkombëtar. Kanë pozicione dominuese në tregjet ndërkombëtare si në Amerikën e Jugut, Bashkimit Europian dhe Angli. Kemi edhe grupet kirminale të Call-Center, dëmi që shkaktojë shkon në miliona euro. 

Në Tiranë dhe zonat bregdetare grupet kriminale merren kryesisht me pastrim parash, ndërsa trafiku i narkotikëve shfaqet problematik, Durrës, Vlorë, Gjirokastër, Fier dhe Kurbin. Korrupsioni i zyrtarëve të drejtësisë është evidentuar në Durrës, Shkodër, Tiranë, Laç dhe Fushë-Krujë./CNA 





Lajmet e fundit nga