web counter
LEXO PA REKLAMA!

SHKARKO APP

App Store
Google Play

Kryeprokurori Çela raporton në Kuvend, ngre shqetësimin për vakancat e prokurorëve

15 Korrik 2024, 11:07, Aktualitet CNA
Kryeprokurori Çela raporton në Kuvend, ngre shqetësimin
Olsian Çela

Gjatë raportimit në Kuvend për punën e organit të akuzës gjatë vitit 2023, kreu i Prokurorisë së Përgjithshme, Olsian Çela, ngriti si shqetësim vakancat e prokurorëve. 

Teksa përmendi të dhënat statistikore ai tha se përqindjen më të ulët për kriminalitetin e ka Qarku Dibër, më të lartë Qarku Vlorë.

Ai shtoi në fjalën e tij se kriminaliteti gjatë vitit 2023 ka pësuar rënie. 

"Kemi 38% të vakancave të prokurorëve të shkaktuara nga vetingu. Janë ndjekur 45750 procedime penale. Është vendosur mosfillimi për mbi 9 mijë kallëzime penale. Përqindjen më të ulët për kriminalitetin e ka Qarku Dibër, më të lartë Qarku Vlorë. Janë përfunduar 23419 çështje penale, 41% e tyre janë dërguar për gjykim. Janë dënuar 7254 të pandehur, për 199 të pandehur është dhënë vendimi i pafajësisë. Kriminaliteti gjatë vitit 2023 ka pësuar rënie. 

Numri më i madh i procedimeve penale të regjistruara rezulton në Prokurorinë pranë Gjykatës së Shkallës së Parë me Juridiksion të Përgjithshëm Tiranë me 35,12 % të numrit total të procedimeve të regjistruara në shkallë vendi; në fund janë prokuroritë Kukës 2,37 %; Dibër 2,31 % ,të numrit total të procedimeve penale të regjistruara në shkallë vendi.

Koeficienti i kriminalitetit për procedimet penale të regjistruara, për 100,000 banorë në vitin 2023 është 872, ndërsa në vitin 2022 koefiçenti i kriminalitetit ka qenë 920. 

Ndër grupveprat penale me numrin më të lartë të procedimeve të regjistruara, evidentohet se veprat penale kundër rendit dhe sigurisë publike përbëjnë numrin më të lartë të procedimeve penale të regjistruara me 31,71 %, por me një ulje 1,54 % krahasuar me vitin 2022; veprat penale vjedhja e pasurisë përbëjnë 23,64 % të numrit të përgjithshëm të procedimeve të regjistruara, të cilat kanë ulje 16.39 % krahasuar me vitin 2022; sërish me një tendencë ulje të ndjeshme si në vitin e kaluar; veprat penale kundër fëmijëve, martesës dhe familjes  6,2%, me një ulje prej 4.68 % në krahasim me vitin 2022", u shpreh Çela./CNA 





Lajmet e fundit nga