web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Tiranës, grup i strukturuar kriminal/ Dumani: Gjyqtari nuk mund të ndërhyjë

8 Korrik 2024, 11:57, Aktualitet CNA
Inceneratori i Tiranës, grup i strukturuar kriminal/ Dumani: Gjyqtari nuk
Altin Dumani

Personat e përfshirë tek afera e inceneratorit të Tiranës po hetohen nga SPAK-u si grup i strukturuar kriminal. 

Në lidhje me këtë, kreu i SPAK-ut, Altin Dumani, gjatë një prononcimi për mediat tha se ky është në hetim paraprak dhe s'mund të japë informacione. 

"Është nën hetim paraprak, s'mund të jap informacione. Gjyqtari i hetimit paraprak nuk mund të ngrejë akuzë. Ne si prokurorë dhe unë. Gjyqtari nuk mund të ndërhyjë në këtë moment procedural", tha ai. 

Inceneratori i Tiranës po hetohet si grup i strukturuar kriminal. 

Kjo është konfirmuar edhe në një vendim të marrë së fundmi nga Apeli i Gjykatës së Posaçme, ku është vendosur që të rikthehet në burg Namik Simixhiu, i akuzuar nga SPAK-u për inceneratorin e Tiranës. 

Apeli i GJKKO-së ka vendosur masën "arrest me burg" për Simixhiun, si i dyshuar për kryerjen e veprës penale “Shpërdorimi i detyrës” kryer në bashkëpunim të veçantë në formën e grupit të strukturuar kriminal.

Më 8 dhjetor të 2023-shit, me urdhër të SPAK-ut u vunë në pranga Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Akuza për aferën në Tiranë rëndojnë edhe ndaj ish-ministrit të Mjedisit, Lefter Koka, dhe ish-sekretarit të tij, Alqi Bllako. 

Gjithashtu, urdhër-arreste ka edhe për kokat e inceneratorëve, Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Në "arrest shtëpie" u lanë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Në muajin maj u zgjatën edhe me 3 muaj afatet hetimore për inceneratorin e Tiranës. Kërkesa për zgjatjen e afateve hetimore u bë nga prokurorët e çështjes dhe u pranua nga GJKKO-ja.

Inceneratori i Tiranës është një nga aferat më të mëdha korruptive, pasi ka gllabëruar me qindra miliona euro nga taksapaguesit shqiptarë, por në realitet nuk ekziston.

Është një aferë që mban brenda një aferë tjetër si ajo e dherave, e cila u ka kushtuar qytetarëve 60 milionë euro./CNA 

 





Lajmet e fundit nga