web counter
LEXO PA REKLAMA!

SHKARKO APP

Ekstradimet/ Dumani: Bashkëpunojmë me Ministrinë e Drejtësisë

8 Korrik 2024, 11:29, Aktualitet CNA
Ekstradimet/ Dumani: Bashkëpunojmë me Ministrinë e
Altin Dumani

Mëngjesin e së hënës, kreu i SPAK-ut, Altin Dumani, është pyetur nga gazetarët për disa çështje.

Sa i përket çështjes së ekstradimeve, ai theksoi se SPAK po bashkëpunon me Ministrinë e Drejtësisë. 

"Për çështjen e ekstradimeve bashkëpunojmë me Ministrinë e Drejtësinë. Jemi në pritje të procedurave të ekstradimit për disa persona", u shpreh ai. 

Ndërsa për ekstradimin e Durim Bamit nga Dubai në Shqipëri ai tha: "Kemi detyrim vetëm të bëjmë kërkesë për ekstradim". 

Më 12 qershor, Durim Bami ra në prangat e policisë. Ai u shpall në kërkim gjatë megaoperacionit të SPAK-ut. Gjykata e Posaçme ka caktuar masën e sigurisë “arrest me burg”, pasi ndaj tij rëndojnë një sërë akuzash.

45-vjeçari akuzohet për disa vepra të rënda penale, si sigurimi i kushteve dhe i mjeteve materiale për të kryer vrasje, grup i strukturuar kriminal, kultivim i bimëve narkotike dhe kryerja e veprave penale nga organizata kriminale, ose grup i strukturuar kriminal.

Sipas dosjes së SPAK, Durim Bami akuzohet se ka siguruar kushtet për të vrarë Arben Ndokën, Tori Xheçukën dhe Erigers Mihasin, si dhe rezultonte i përfshirë në kultivimin e kanabisit në Tapizë të Niklës. Nga ana tjetër, po sipas dosjes së Prokurorisë së Posaçme, Durim dhe Valter Bami ishin në ndjekje nga 16 persona të tjerë të cilët kërkonin për t’i vrarë./CNA 

 





Lajmet e fundit nga