web counter
LEXO PA REKLAMA!

SHKARKO APP

E fundit!

x

Lihet në burg Ilir Beqaj/ Lehtësohet masa e sigurisë për Alfred Nikollën

6 Korrik 2024, 18:33, Aktualitet CNA
Lihet në burg Ilir Beqaj/ Lehtësohet masa e sigurisë për
Ish-ministri i Shëndetësisë, Ilir Beqaj. Burimi, LSA

Gjykata e Posaçme ka lënë në fuqi masat e sigurimit për ish-ministrin e Shëndetësisë, Ilir Beqaj dhe 4 bashkëpunëtorë të tij, për abuzimet me fondet e BE-së.

Beqaj është lënë në “arrest me burg”, pavarësisht se kërkoi të lihet i lirë me një garanci pasurore prej 50 milionë lekësh të vjetra.

Masa e sigurisë ka ndryshuar për Alfred Nikollën, nga “arrest me burg” në “arrest shtëpie”.

Kujtojmë se të enjten, Gjykata e Posaçme, me kërkesë të SPAK-ut lëshoi 7 masa sigurie, 3 "arrest me burg", 2 "arrest shtëpie" dhe 2 "detyrim paraqitje", si dhe kontrolle në banesa apo objekte, pas hetimeve për abuzimet me fondet e BE-së. 

Ish-ministri i Shëndetësisë, Ilir Beqaj është një nga personat e arrestuar. Bashkë me të ranë në prangat e policisë Ermal Kurtulaj dhe Alfred Nikolla. Ky i fundit tashmë do jetë në “arrest shtëpie”.

Në arrest shtëpie janë lënë edhe Gazmend Haxhia dhe Elton Marini, ndërsa janë kontrolluar banesat për dy persona të tjerë, Bledar Leka dhe Bjona Zijaj. 

Urdhër-arrestet janë firmosur nga prokurorja Elida Kaçkini, ndërkohë që vendimi për ekzekutimin e tyre është marrë nga gjyqtarja Rudina Palloi./ CNA





Lajmet e fundit nga