web counter
LEXO PA REKLAMA!

SHKARKO APP

App Store
Google Play

SPAK heton të akuzuarit e inceneratorit të Tiranës si grup të strukturuar kriminal

5 Korrik 2024, 14:29, Aktualitet CNA
SPAK heton të akuzuarit e inceneratorit të Tiranës si grup
Inceneratori i Tiranës

Personat e përfshirë në aferën e inceneratorit të Tiranës po hetohen nga SPAK-u si grup i strukturuar kriminal. 

Kjo është konfirmuar edhe në një vendim të sotëm të marrë nga Apeli i Gjykatës së Posaçme, ku është vendosur që të rikthehet në burg Namik Simixhiu, i akuzuar nga SPAK-u për inceneratorin e Tiranës. (lexo këtu)

Apeli i GJKKO-së ka vendosur masën "arrest me burg" për Simixhiun, si i dyshuar për kryerjen e veprës penale “Shpërdorimi i detyrës” kryer në bashkëpunim të veçantë në formën e grupit të strukturuar kriminal.

Më 8 dhjetor të 2023, me urdhër të SPAK-ut u vunë në pranga Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Akuza për aferën në Tiranë rëndojnë edhe ndaj ish-ministrit të Mjedisit, Lefter Koka, dhe ish-sekretarit të tij Alqi Bllako. 

Gjithashtu, urdhër-arreste ka edhe për kokat e inceneratorëve Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Në "arrest shtëpie" u lanë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Në muajin maj u zgjatën edhe me 3 muaj afatet hetimore për inceneratorin e Tiranës. Kërkesa për zgjatjen e afateve hetimore u bë nga prokurorët e çështjes dhe u pranua nga GJKKO-ja.

Inceneratori i Tiranës është një aferat më të mëdha korruptive, pasi ka gllabëruar me qindra miliona euro nga taksapaguesit shqiptarë, por në realitet nuk ekziston.

Është një aferë që mban brenda një aferë tjetër si ajo e dherave, e cila u ka kushtuar qytetarëve 60 milionë euro./CNA 

 





Lajmet e fundit nga