web counter
LEXO PA REKLAMA!

SHKARKO APP

App Store
Google Play

Grupi i strukturuar kriminal i inceneratorëve fundos të akuzuarit

6 Korrik 2024, 12:47, Aktualitet CNA
Grupi i strukturuar kriminal i inceneratorëve fundos të akuzuarit
Fotomontazh - Erion Veliaj, Mariglen Qato, Ermal Kapllanaj, Taulant Tushe, Mirel Mërtiri dhe Klodian Zoto

SPAK, nëpërmjet një hetimi të zgjeruar tek inceneratori i Tiranës, më në fund ka shkuar tek ajo që CNA e ka thënë shpesh, se në rastin e këtij procesi, kemi të bëjmë me një grup të strukturuar kriminal. (lexo këtu)

Pra, grupi i strukturuar kriminal i inceneratorëve, tashmë është dhënë me vendim nga Gjykata e Apelit të Posaçëm për një nga zyrtarët e arrestuar Namik Simixhiu. (lexo këtu)

CNA ka raportuar pafund materiale në lidhje me inceneratorin e Tiranës, ku qartazi funksiononte një grup i strukturuar kriminal me disa individë që dirigjonin, siç ishte Mirel Mërtiri, Klodian Zoto e të tjerë, me zyrtarët e përfshirë siç janë Lefter Koka, Alqi Bllako e të tjerë, tek kryetari i Bashkisë së Tiranës, Erion Veliaj, i cili është njeriu që ka pasur nën drejtim të tij Taulant Tushen, Redi Mollën, Mariglen Qaton dhe drejtorët e tjerë të përfshirë Ermal Kapllanaj, Evisjon Sulku, të cilët kanë firmosur edhe dokumente në favor të kompanisë së inceneratorëve. (lexo këtu)

Grupi i strukturuar kriminal i inceneratorëve fundos të akuzuarit
Mirel Mërtiri dhe Klodian Zoto

Ka pasur ekonomistë, shpërndarje parash për interesa korruptive në media sidomos, ku Lori dhe Vjollca Hoxha të "Top Channel" janë dirigjentet kryesore, pa harruar më tej Irfan Hysenbelliun, Carlo Bollinon e kështu me radhë të cilët janë përfitues të fondeve nga inceneratorët. (lexo këtu)

Janë denoncuar, janë nxjerrë dokumente që tregojnë se si ka filluar historia që në Hollandë e deri në Tiranë, duke krijuar një grup kriminal që merrte para nga taksat e shqiptarëve të varfër dhe i vidhte ato, bënte korrupsion me to. (lexo këtu)

Pra, një grup kriminal duhet të ketë më shumë se 3 vetë, të ketë financierin, të ketë lidhjet deri tek politika, tek zyrtarët e lartë dhe deri tek media, e cila është përdorur nga grupi i strukturuar kriminal, si pushkë e saj për të goditur zyrtarët që nuk i bindeshin, apo deri tek media të cilat pranonin të bëheshin pjesë e një pazari kriminal të ofruar nga Klodian Zoto, Mirel Mërtiri e të tjerë. (lexo këtu)

Grupi i strukturuar kriminal i inceneratorëve tashmë u mësua zyrtarisht edhe nga gjykata, e cila na tha se një zyrtar ishte pjesë e një hetimi të tillë. (lexo këtu)

Të gjithë të dënuarit ndoshta kërkonin të përfitonin ulje dënimi tek Elbasani apo Fieri nga 8 në 6 vite, të cilat arritën të bënin edhe bashkim dënimesh, ndoshta me ditët që kanë kryer në burg të shpëtonin, tani me akuzën si grup i strukturuar kriminal, çdo i dënuar, do të marrë një dënim më shumë, me të paktën prej 5 vitesh. (lexo këtu)

Pra, ndëshkimet për inceneratorin e Tiranës nuk do jenë pjesë e një show të thjeshtë 1-vjeçar, 2-vjeçar, por një leksion i mirë i një lufte ndaj korrupsionit të bërë nga SPAK.

Që shqiptarët të binden se SPAK e ka luftuar vërtet korrupsionin tek rasti i inceneratorëve dhe tek dosja e grupit të strukturuar kriminal duhet të shkojë tek pronari faktik, duhet të shkojë tek "koka", i cili deri tani nga të gjitha akuzat e opozitës por edhe faktet e nxjerra nga dokumentet, që nga fillimi i procesit me IFC-në e deri tek firmosja e çështjes së dherave të çojnë drejt Erion Veliajt, kreut të Bashkisë së Tiranës./CNA 





Lajmet e fundit nga