web counter
LEXO PA REKLAMA!

SHKARKO APP

App Store
Google Play

E fundit!

x

Hapet tuneli i Llogarasë! Rama: Vepër madhore, shkurton distancën, Dukat-Palasë nga 40 në vetëm 7 minuta

5 Korrik 2024, 15:58, Aktualitet CNA
Hapet tuneli i Llogarasë! Rama: Vepër madhore, shkurton
Ceremonia e hapjes së Tunelit të Llogarasë

Nën ison e grupeve polifonike, qytetarë të shumtë dhe kryeministri Edi Rama inauguruan këtë të premte hapjen e tunelit të Llogarasë. Bashkë me qytetarët kryeministri përshkoi tunelin me autobus ku dhe bashkëbisedoi me qytetarët të cilët vlerësuan punën e bërë nga qeveria.

Me një gjatësi prej 5.9 kilometrash, ky tunel do të shkurtojë ndjeshëm kohën e udhëtimit drejt bregdetit të jugut, distanca nga Dukati në Palasë që deri dje bëhej për 40 minuta, tani qytetarët do ta përshkojnë atë në vetëm 7 minuta.

Ky tunel, me gjatësi 6 km dhe shpejtësi maksimale të lejuar 80 km në orë, shkurton distancën nga Dukati në Palasë, nga 40 minuta në 7-8 minuta. Ndërkohë, nga Vlora në Palasë që nëse dikur bëhej për 1 orë, tashmë ajo do realizohet për 20 minuta. Kryeministri Edi Rama e cilësoi atë një vepër historike, e cila do të ndryshojë përgjithmonë udhëtimin drejt jugut.

Përgjatë muajve të verës, tuneli do të aksesohet pa pagesë. Pagesa për tunelin do të vijojë pas 2025, kur tuneli do të dorëzohet plotësisht. Kryeministri Rama shoqërohej edhe nga ministrja e Infrastrukturës dhe Energjisë, Belinda Balluku, ministrja e Turizmit Mirela Kumbaro dhe zyrtarë të tjerë socialistë.

“Llogara, Vlorë – Hapja e tunelit më të gjatë në Shqipëri, një ëndërr e kahershme dhe premtim bajat i tërë fushatave elektorale të partive, që sot bëhet realiteti i jetës së përditshme të një prej zonave më spektakolare të atdheut tonë, si edhe një motor i ri me shumë kuaj fuqi për industrinë e re të turizmit, të cilës në fund të vitit do t’i shtohet edhe motori i fuqishëm i aeroportit ndërkombëtar të Vlorës”, shkruan Rama në "Facebook".





Lajmet e fundit nga