web counter
LEXO PA REKLAMA!

SHKARKO APP

App Store
Google Play

Noka-Dumanit: A ka masë sigurie për Veliajn, a po hetohet vëllai biznsemen për 6 milionë euro?

15 Korrik 2024, 16:29, Aktualitet CNA
Noka-Dumanit: A ka masë sigurie për Veliajn, a po hetohet vëllai
Altin Dumani

Sot në Kuvend, kreu i SPAK-ut, Altin Dumani ka raportuar për punën e tij gjatë vitit 2023.

Deputeti Flamur Noka i ka drejtuar një sërë pyetjesh në lidhje me kryebashkiakun Erion Veliaj dhe familjarët e tij nëse janë në hetim dhe nëse ka një masë sigurie për Veliajn.

Po ashtu e pyet nëse ka ndonjë hetim për transfertat 6 milionë euro në drejtim të bizneseve të vëllait të Erion Veliajt.

“Pyetja e katërt, - vijoi Noka.  Z. Dumani, prej katër vitesh ju dhe institucioni që drejtoni po heton një mega-aferë korruptive të inceneratorit të Tiranës. Deri më sot, shqiptarët kanë parë që para drejtësisë janë vetëm disa specialistë të niveleve të ulëta.

Masat e arrestit për kokat e asaj afere që i di sot çdo shqiptar, po vetëm ju dhe institucioni që drejtoni nuk i di, nuk po shihen gjëkundi.

 Kjo është drejtësia që kërkojmë ne dhe që kërkojnë shqiptarët sepse vetëm ditët e fundit u fol për 22 fletëarreste dhe asnjë nuk u realizua. Tani, përgjegjësia për këto fletëarreste, ju bie ju apo Irena Gjokës Manekut Shpatës për dekonspirim?

Për inceneratorin, a janë caktuar, masa të reja, pra këto ditë, për inceneratorin e Tiranës?

A janë zbatuar këto masa dhe ku ka ceduar zbatimi i tyre?

Dhe e treta, sot çdo qytetar shqiptar e di që ky operacion i ditëve të fundit u dekonspirua. A po hetoni për këtë dekonspirim?

Pyetja tjetër. A është regjistruar si person nën hetim, Erion Veliaj? A ka masë sigurie për Erion Veliajn, kryetarin e bashkisë së Tiranës?

A ka hetime për të vëllanë e Erion Veliajt dhe familjarët e tjerë të tij?

A jeni në dijeni ju si institucion drejtësie nëse ka pasur transferta nga jashtë të një shifre rreth 6 milionë euro në adresë të bizneseve të vëllait të kryebashkiakut të Tiranës?

Në pozicionin që Erion Veliaj mban, qasje në dokumentacion, a mendoni se Erion Veliaj çdo ditë që është atje në zyrë dëmton hetimin për nëjs ërë çështjesh siç janë inceneratorët?

Dosja 5D apo një dosje që është në përpunim e që do t’ju vijë shpejt, dosja e Arben Malokut? Apo edhe për implikimin e vëllait të tij në këto afera?

A po hetohen kompanitë në Maltë, Zimbabve, Bullgari, Qipro apo shtete e tjera ku janë?

Përse nuk sekuestrohen asetet e kompanisë ITS të përfituara nga biznesi i dherave të inceneratorit të Tiranës?

Përse nuk sekuestrohet sera dhe toka në Sharrë që kanë të bëjnë me inceneratorin e Tiranës? a po kryhen hetime për media të tjera, të cilat kanë përfituar para nga kjo kompani? Një ndër to edhe Report TV e Carlo Bollinos, që ua kemi përcjellë edhe me dokumente autentik ku rriteshin pagesat me shënimin - “Të rriten pagesat se jemi në fushatë”!!! - Kjo është tragjedi.

Pyetje tjetër: A po hetohet kompania TVS96 për shkelje kontratë për respiratorët? Në kontratë kishte detyrim 54 respiratorë, në realitet solli pesë dhe kur flitet për respiratorë, flitet për jetën e qytetarëve shqiptarë që ikën për dhjamë qeni në kohën e COVID?

Si ka mundësi që kompania TVS96 e Artan Xhorit e ortakut të Carlo Bollinos, në vend që të ishte objekt hetimi, merr tendera në SPAK me vlerën 99.9%?" pyeti Noka.

Kreu i SPAK-ut, Altin Dumani tha se sa i përket inceneratorëve janë çështje në hetim paraprak dhe për të cilin po kryhen hetimet e nevojshme.

“Jeni kallëzues, bëj kërkesë për informacion dhe si kallëzues e do të merrni të gjitha informacionet. Lidhur me inceneratorin e Tiranës, është çështje në hetim paraprak dhe për të cilën po kryhen hetimet e nevojshme. SPAK-u po heton inceneratorët. Hetimi është kompleks. Duam të bëjmë hetim objektiv”, tha Dumani./ CNA





Lajmet e fundit nga