web counter
LEXO PA REKLAMA!

SHKARKO APP

App Store
Google Play

E fundit!

x

Problematikat në Sistemin e Drejtësisë/ Metani: Nuk është vetëm përgjegjësi e magjistratëve

15 Korrik 2024, 16:45, Aktualitet CNA
Problematikat në Sistemin e Drejtësisë/ Metani: Nuk
Artur Metani

Inspektori i Lartë i Drejtësisë, Artur Metani po bën raportimin vjetor në Kuvend në lidhje me punën e këtij institucioni gjatë vitit 2023.

Metani foli për problematikat  me të cilat po përballet sistemi i Drejtësisë, duke theksuar se nëse ka mangësi në kaudër të integritetit, pavarësisë apo efiçenës, kjo nuk është përgjegjësi vetëm e magjistratëve.

Metani tha se problematikat kërkojnë një adresim të qartë dhe zgjidhje të kujdesshme, në aspekt sistemik dhe nuk mund të adresohen vetëm nëpërmjet sistemit të përgjegjësisë së magjistratëve, siç pretendohet vazhdimisht, mbi rolin dhe funksionet e institucionit të Inspektorit të Lartë të Drejtësisë.

Ai u shpreh, se Zyra e Inspektorit të Lartë të Drejtësisë ka luajtur një rol proaktiv, në lidhje me identifikimin dhe hetimin e shkeljeve disiplinore të kryera nga ana e magjistratëve.

“Nëse sistemi i drejtësisë përballet me mangësi apo problematika në kuadër të integritetit, pavarësisë apo efiçencës, kjo nuk është përgjegjësi, vetëm e magjistratëve. Këto problematika kërkojnë një adresim të qartë dhe zgjidhje të kujdesshme, në aspekt sistemik dhe nuk mund të adresohen vetëm nëpërmjet sistemit të përgjegjësisë së magjistratëve, siç pretendohet vazhdimisht, mbi rolin dhe funksionet e institucionit të Inspektorit të Lartë të Drejtësisë.

Dua ta theksoj se që nga momenti i krijimit, e deri në ditët e sotme, Zyra e Inspektorit të Lartë të Drejtësisë ka luajtur një rol proaktiv, në lidhje me identifikimin dhe hetimin e shkeljeve disiplinore të kryera nga ana e magjistratëve. Dhe ky model pune do të vijojë edhe në vazhdim dhe gjithmonë, por gjithnjë duke respektuar parimet e një procesi të rregullt ligjor dhe mbështetur mbi një gur themeli të rëndësishëm të shtetit të së drejtës dhe demokracisë së një vendi, siç është ai i pavarësisë së sistemit gjyqësor”, u shpreh Metani./ CNA





Lajmet e fundit nga