web counter
LEXO PA REKLAMA!

SHKARKO APP

App Store
Google Play

Leskaj-Dumanit: A është Sali Berisha i burgosur politik?

15 Korrik 2024, 18:47, Aktualitet CNA
Leskaj-Dumanit: A është Sali Berisha i burgosur politik?
Bujar Leskaj

Deputeti i Partisë Demokratike, Bujar Leksaj ka pyetur kreun e SPAK-ut Altin Dumanin nëse Sali Berisha është një i burgosur politik.

Ai tha se ishin socialistët që urdhëruan SPAK-un të hetonin Berishën ndaj dhe arrestimi i Berishës është politik.

Leskaj ka pyetur Dumanin a po hetohet ministri i Brendshëm Taulant Balla për kallëzim të rremë.

“Në dhjetor të 2023 ju ekzekutuat izolimin dhe arrestimin  e liderit të opozitës, Sali Berisha, mbi bazën e një kallëzimi të bërë nga ish-kreu i Grupit Parlamentar të PS, në vitin 2020, dhe mbi bazën e atij shantazhi publik që ju bëri kreu i PS, Edi Rama në kongresin e partisë në prill 2022 dhe në asamblenë e Partisë Socialiste në majt 2022, duke cituar shprehimisht që, “që hetoni Berishën, duke urdhëruar SPAK-un, se socialistëve po ju soset durimi dhe këtij Edi Ramës, d.m.th, Enverit të ri.

Në kallëzimin e tij, Balla pretendonte se toka e 5 familjeve të vjetra tiranase Begeja etj ishin shpronësuar, sipas tij, nga çfarë kam lexuar në media nga Jakemoni, në fakt duhet të ishte Jakomoni. Tani SPAK ka harxhuar energji, resurse njerëzore dhe hetuesit punuan me muja të tërë në arkivë të shteti… kanë kaluar 4 vjet dhe është vërtetuar katërcipërisht se Taulant Balla ka bërë kallëzim të rremë.

A keni filluar ju një hetim për kallëzim të rremë ndaj Ballës dhe ta hetoni në gjendje të lirë?”, tha Leskaj.

Dumani u tregua i qartë në pëgjigjen e tij duke thënë se nuk është pjesë e politikës dhe nuk ka asnjë lidhje me politikën.

Vendimi i gjykatës i caktimit të masës së sigurimit e ka bërë të qartë veprën penale që i atribuohet në cilësinë e personit ndaj të cilit zhvillohen hetimet./ CNA





Lajmet e fundit nga