web counter
LEXO PA REKLAMA!

SHKARKO APP

App Store
Google Play

E fundit!

x

Raportimi në Kuvend/ Bylykbashi: Po fshehin skandalin që ka përfshirë Reformën në Drejtësi

15 Korrik 2024, 22:04, Aktualitet CNA
Raportimi në Kuvend/ Bylykbashi: Po fshehin skandalin që ka
Oerd Bylykbashi

Nënkryetari i PD-së, Oerd Bylykbashi në fjalën e tij gjatë seancës parlamentare ka folur për raportimet e institucioneve të Drejtësisë sot në Kuvend ku e ka cilësuar si një përpjekje për të fshehur skandalin që ka përfshirë Reformën në Drejtësi.  

Bylykbashi ka theksuar se KLGJ dhe KLP që janë majat e sistemit të drejtësisë flasin në fund pasi duhet të ishin të parat.

“Të pesë raportet e pesë institucionet e drejtësisë bëhen bashkë për tu diskutuar të gjithë në një seancë të vetme. Asnjëherë nuk ka ndodhur kjo pasi të gjitha raportet kanë problematikat e veta dhe kërkohet që të diskutohen problematikat në mënyrë të veçantë.

Përpjekja për ta fshehur në mes korrikut pas kaq kohësh që duhet të kishin raportuar në parlament po bëhet që të shkurtohet në maksimum për skandalin që ka përfshirë drejtësinë.

Nuk e di se cila është puna e tyre sot në këtë ditë por këtu nuk ka asnjë përfaqësues të pesë institucioneve të drejtësisë.

Ne nuk e kemi luksin për të ngritur çështje por kemi detyrën që të ngremë problematikat që po hasin qytetarët çdo ditë nga drejtësia. Këta janë seanca që themi gjëra që i kemi përsëritur nga viti 2015 e këtej ndërsa në atë kohë ishin parashikime sot janë fakte dhe konstatime të rënda.

Seanca e sotme është reflektim i deformuar i sistemit të drejtësisë.

KLGJ dhe KLP që janë majat e sistemit të drejtësisë flasin në fund pasi duhet të ishin të parat. Drejtësia nuk janë prokurorët dhe janë këshillat që përgjigjen për funksionimin e sistemit”, tha Oerd Bylykbashi./ CNA





Lajmet e fundit nga