web counter
LEXO PA REKLAMA!

SHKARKO APP

App Store
Google Play

E fundit!

x

Nga qelia në Strasburg/ Beleri betohet sot si eurodeputet në Parlamentin Europian

16 Korrik 2024, 08:25, Aktualitet CNA
Nga qelia në Strasburg/ Beleri betohet sot si eurodeputet në
Fredi Beleri

Fredi Beleri ndodhet në Strasburg, ku sot do të betohet si eurodeputet i Parlamentit Europian nën siglën e partisë në pushtet në Greqi, “Demokracia e Re”.

Mëngjesin e së hënës, Fredi Beleri la burgun e Fierit, pasi mori 5 ditë leje për t’u betuar si eurodeputet nga partia "Demokracia e Re" e kryeministrit grek Mitsotakis.

Mësohet se liria e tij do të zgjasë vetëm 5 ditë, leje kjo e miratuar nga Drejtoria e Përgjithshme e Burgjeve. Jashtë ambienteve të burgut ai u prit nga bashkëshortja dhe makina e ambasadës greke.

Pasi doli nga burgu ai u nis drejt drejt Athinës, ku u prit edhe nga kryeministri grek, Kyriakos Mitsotakis. 

Pas mbërritjes dje në Athinë, Beleri u shpreh: “Jam i lumtur dhe i emocionuar që përqafoj njerëzit e mi. Jam krenar që marr të drejtat si eurodeputet. Falënderoj kryeministrin grek për besimin dhe zgjedhjen e tij. Ai dëshmoi se është lider i gjithë helenizmit dhe mbron grekët kudo që janë”.

Ai u dërgoi një mesazh himarjotëve ku u tha se “nuk janë vetëm”, ndërsa argumentoi se "Bashkimi Europian nuk duhet të lejojë që vullneti i njerëzve kudo që janë brenda Europës të mos respektohet”./CNA 





Lajmet e fundit nga