web counter
LEXO PA REKLAMA!

SHKARKO APP

App Store
Google Play

E fundit!

x

Kur SPAK-u tregon se ka ende shpresë

16 Korrik 2024, 14:35, Aktualitet CNA
Kur SPAK-u tregon se ka ende shpresë
Godina e SPAK-ut

Kreu i SPAK-ut, Altin Dumani, dje në një raportim të tij në Kuvend, ku 80% e personave të pranishëm në sallë, ministra, deputetë e të tjerë janë në hetim, janë kundër tij, kanë interesa të lidhura me kompani, me koncesione, me afera, me pushtetin, me opozitën e të tjerë, theksonte një fjali: Nuk flas dot se është çështje në hetim, çështje në hetim, çështje në hetim dhe na tregoi se çështjet në hetim ishin pafund, përfshirë këtu dosjen "Xibraka", dosjet e Sali Berishës, inceneratorët, sterilizimi e dosje të tjera. Vetëm në dy raste Altin Dumani tha se nuk kishte informacion.

Sot SPAK-u nxori një tjetër njoftim ku theksoi se ishin çuar në Gjykatë 8 masa sigurie me emrat përkatës, një lajm që doli javën e kaluar në lidhje me çështjen e inceneratorëve, ku ai që spikaste ishte emri i një gazetari, Endrit Habilaj, drejtori i "Top News".

Në fakt, në fund të njoftimit SPAK-u thotë se hetimet vazhdojnë.

Pra, çështja e inceneratorëve nuk është mbyllur. Ata që mendojnë që gjithçka kaloi, mbaroi, u mbyll me kaq, ngeli këtu, besoj e kuptojnë se SPAK-u nuk ka nevojë të thotë që hetimet vazhdojnë.

Mundet thjesht dhe vetëm të njoftonte këto janë 8 masat, këtu çështja po kalon në gjykatë për shqyrtim dhe këta janë personat në akuzë duke filluar nga Klodian Zoto, Mirel Mërtiri, Lefter Koka e kështu me radhë.

Në fakt, hetimet vazhdojnë. Çfarë do të thotë?

Do të thotë se ende do të ketë persona të tjerë ndaj të cilëve po kryhen verifikime dhe hetimet vazhdojnë. Është një tjetër shpresë që na jep SPAK-u që gjërat nuk do të mbyllen, nuk do t’u vendoset kapaku dhe kjo është edhe arsyeja pse Fatmir Xhafaj është kthyer në zëdhënësin e dosjes "5D".

Kjo është arsyeja pse "Top Channel" merrte në mbrojtje gjykatësen Irena Gjoka? Kjo është arsyeja me hetimet që vazhdojnë.

Pse "Top Channel" nuk flet fare për inceneratorët, apo nuk flet për dosjen "Xibraka", apo merr në mbrojtje pa ndalim një gjyqtare me tre mbiemra, të cilën në fakt e mbron kryeprokurori i Republikës, Olsian Çela, që ka në dorë hetimin e saj dhe nuk e kryen?

Procedurat ecin ngadalë dhe ka një skemë të gjerë që shkon sa tek Irena Gjoka, te kryeprokurori dhe te dosja e inceneratorëve.

Ndaj, SPAK-u na mban me shpresë që hetimet vazhdojnë dhe në hetimet që vazhdojnë nuk kanë për të shpëtuar as miqtë e kryeprokurorit, as mediat dhe askush që ka futur duart tek afera e inceneratorëve, te dosja "5D" dhe te korrupsioni e zullumi që bëhet me paratë e shqiptarëve të varfër.

Këtë e dinë të gjithë dhe janë të bindur, por shpresojnë se hetimet nuk do të vazhdojnë, do të ndalen nga enveristi i fundit, Fatmir Xhafaj, do të ndalen nga presioni i kryeprokurorit, do të ndalen me presionin e mediave, me shantazhet e kërcënimet, ndërkohë që janë thjesht dhe vetëm bashkëpunëtorë të një afere direkt apo indirekt dhe kanë marrë në mbrojtje një tufë me hajdutë dhe asgjë më shumë sesa kaq.

SPAK-u vazhdon hetimet.../ CNA

 





Lajmet e fundit nga