web counter
LEXO PA REKLAMA!

SHKARKO APP

App Store
Google Play

E fundit!

x

Shkurtohet orari i punës?/ Ministrja: Do bëhet me fleksibilitet, nuk lidhet me temperaturat

16 Korrik 2024, 18:05, Aktualitet CNA
Shkurtohet orari i punës?/ Ministrja: Do bëhet me fleksibilitet, nuk
Ministrja e Shtetit për Administratën Publike dhe Antikorrupsionin, Adea Pirdeni

Ministrja e Shtetit për Administratën Publike dhe Antikorrupsionin, Adea Pirdeni ka reaguar pas lajmeve se do të shkurtohet orari i punës për shkak të temperaturave të larta.

Pirdeni deklaron se shkurtimi nuk lidhet me temperaturat, por me kërkesën e orarit me fleksibilitet.

Kështu, shkurtimi i orarit ditor të punës duket se do bëhet realitet edhe për administratën në Shqipëri dhe qëllim është injektimi në mënyrë të qëndrueshme të fleksibilitetit në punë.

Projektvendimi propozon që brenda kohëzgjatjes ditore të punës, të punësuarit të kenë mundësinë të zgjedhin oraret kur do të kryejnë orët e plota të ditës së punës, duke caktuar një fashë orare kur të gjithë nëpunësit duhet të jenë në punë.

Specifikisht propozohet që në institucionet e administratës shtetërore:

• Kohëzgjatja ditore e orëve të punës të jetë 8 orë e 30 minuta nga e hëna deri të enjten dhe 6 orë ditën e premte.

• Orari ditor i punës të jetë fleksibël, me kushtin që të plotësohen orët e plota (pra 8.5 orë dhe 6 orë).

• Fasha e detyrueshme orare kur të gjithë nëpunësit duhet të jenë në vendet e tyre të punës, të jetë çdo ditë nga ora 9:30 deri në 15:30, ndërsa ditën e premte nga ora 9:30 deri në 13:00./ CNA





Lajmet e fundit nga