web counter
LEXO PA REKLAMA!

SHKARKO APP

App Store
Google Play

Legalizimi i pronave, në duart e kryebashkiakëve/ Rama: Duhet përshpejtuar procesi

17 Korrik 2024, 11:30, Aktualitet CNA
Legalizimi i pronave, në duart e kryebashkiakëve/ Rama: Duhet
Kryeministri Edi Rama

Kryeministri Edi Rama bëri me dije se procesi i legalizimeve do të udhëhiqet nga kryebashkiakët.

Këtë e deklaroi në mbledhjen me kryebashkiakët ditën e sotme në Kryeministri.

Rama theksoi se duhet bërë gjithçka për të përshpejtuar procesin.

“Procesi i legalizimeve do të udhëhiqet nga ju. Nëpërmjet sistemit do të krijojmë një mekanizëm për të dhënë llogaridhënie mes palëve. Në mënyrë që kryetarët e bashkisë të mos jenë në pamundësi për t’u ardhur në ndihmë qytetarëve kur vijnë te ju.

Pavarësisht të gjithë progresit të bërë, sepse faktikisht procesi ka pasur progres, por një progres të pakënaqshëm po të shohim progresin nga ana e Kadastrës duhet të jemi të vetëdijshëm përtej fakteve që ligji e parashikon të përfundojnë në 2028 ne në radhë të parë për banesat e qytetarëve të këtij vendi duhet të bëjmë gjithçka që procesi të përshpejtohet. Është e padrejtë që disa presin prej vitesh, disa e marrin legalizimin, edhe pse janë aplikues të mëvonshëm. Të gjithëve u takon, por të vendosni radhë dhe sipas radhës të bëhet ajo që është e para legalizimi i banesave”, tha Rama./ CNA





Lajmet e fundit nga