web counter
LEXO PA REKLAMA!

SHKARKO APP

App Store
Google Play

E fundit!

x

“Lajmet dhe videot janë të rreme”/ Rama: Ka sulm të organizuar për të dëmtuar turizmin

17 Korrik 2024, 13:04, Aktualitet CNA
“Lajmet dhe videot janë të rreme”/ Rama: Ka sulm të
Kryeministri Edi Rama

Kryeministri Edi Rama ka komentuar sot në mbeldhje me kryebashkiakët e vendit lajmet që qarkullojnë ku thuhet se nuk ka turistë dhe disa plazhe janë bosh si pasojë e çmimeve.

Rama tha se këto janë lajme dhe video të pavërteta dhe se ndaj turizmit shqiptar ka një sulm të organizuar për ta dëmtuar.  

“Tendenca e flukseve turistike për të shtuar përtej detit dhe eksploruar deri në zona dhe pika që as nuk imagjinoheshin të kishin turistë, është e rëndësishme që sot të jeni të vetëdijshëm që ka sulm të organizuar për të dëmtuar turizmin shqiptar. Kam folur me krerët e bashkive bregdetare që janë të habitur nga shumë video, lajme e komente të rreme, të manipuluara, të bëra me qëllim që duan të thonë se këtu s’ka ardhur njeri.

Faktet janë në terren, nuk është ky preokupimi kryesor që të merremi me ata që janë pjesë e këtij sulmi që vjen nga disa anë. Sistemet tona të sigurisë kanë ndezur dritën e kuqe të sigurisë kibernetike. Shumë profile false përdoren për këtë sulm. Kjo është njëra ana e medaljes që vlen për diçka tjetër, vlen për të kuptuar që ajo, e cila vjet ishte një çelje e lules së turizmit shqiptar në sytë e botës erdhi me sfida të reja. Sfida komplekse që kanë të bëjnë me të gjithë elementët.

Komisoni Evropian i Udhëtimeve nxori një klasifikim dhe Shqipëria është në vendin e parë me 86% rritje të fluksit të turizmit, pastaj vjen Serbia me 48%, Mali i Zi, Turqia.

Pjesë e këtij sulmi është një përpjekje shumë e ulët për të thënë që shqiptarët e Kosovës e kanë braktisur Shqipërinë. Nga janari në qershor janë 1.7 mln hyrje të qytetarëve të Kosovës, ose 25% më shumë se vjet”, tha Rama./ CNA





Lajmet e fundit nga