Rama fshin përfundimisht Veliajn/ Rastet kur e injoroi dhe hoqi kryebashkiakun nga fotot

13 Qershor 2024, 15:45, Aktualitet CNA

Rama fshin përfundimisht Veliajn/ Rastet kur e injoroi dhe hoqi

Edi Rama dhe Erion Veliaj, burimi i fotos: LSA

Kryeministri Edi Rama e ka fshirë përfundimisht Erion Veliajn. Pas injorimeve të njëpasnjëshme, këtë të enjte, Rama e ka zhdukur sërish Veliajn nga fotot që ka shpërndarë në rrjetet sociale.

Rasti i fundit lidhet me kantierin ku po ndërtohet Teatri Kombëtar. Një ditë më parë, kryebashkiaku inspektoi punimet, nga ku ndau edhe disa foto në rrjetet sociale.

Postimi i kryebashkiakut Erion Veliaj

Të njëjtat foto, por duke fshirë Veliajn, janë shpërndarë nga kreu i qeverisë në rrjetet sociale. Kjo nuk është hera e parë.

Postimi i kryeministrit Edi Rama, pa Veliajn

Kujtojmë se rreth një muaj më parë, Tirana vlerësoi Ali Ahmetin e BDI-së me titullin Qytetar Nderi. Pas ceremonisë, kryeministri Edi Rama postoi disa foto, ku kishte fshirë Veliajn.

Ndërsa në fjalën e mbajtur në ceremoninë që u mbajt në Këshillin Bashkiak të Tiranës, Rama thumboi Veliajn, pasi tha se kreun e qeverisë në bashki mund ta kthejë vetëm Ali Ahmeti.

Ndërkohë Veliaj u shfaq atëherë i zënë ngushtë, i mbuluar me djersë dhe me kokën ulur. Pra nuk pati guximin as ta shikonte Ramën në sy, pas skandaleve në Bashkinë e Tiranës.(LEXO KETU)

Edi Rama fshin nga fotoja Erion Veliajn

Postimi i Erion Veliajt

Një tjetër rast i fundit i njorimit të Veliajt nga ana e Ramës ishte festa për 33-vjetorin e krijimit të PS-së, që u mbajt para selisë rozë.

Në ceremoninë e 33-vjetorit të themelimit të partisë që qeveris vendin prej tri mandatesh ishin të pranishme disa nga figurat më të rëndësishme të kësaj partie.

Kryeministri Edi Rama shihet i rrethuar nga kolegët e tij duke buzëqeshur, por mes tyre, diku larg, fytyra e zymtë, e nxirë e kryebashkiakut Erion Veliaj, të cilit nuk duket se i afrohet më asnjë koleg.(LEXO KETU)

Rama fshin përfundimisht Veliajn/ Rastet kur e injoroi dhe hoqi

Por nuk kanë qenë këto rastet e vetme. Takimi në Milano ishte një tjetër shfaqje publike e injorimit dhe qëndrimit të Ramës ndaj kryebashkiakut.

Në sallën ku u mbajt takimi i kryeminsitrit me shqiptarët që jetojnë në Itali pati një pjesëmarrje edhe të eksponentëve të Partisë Socialiste, duke nisur nga ministra e deputetë të kësaj force politike. Nga ana tjetër, kryebashkiaku Erion Veliaj është lënë tërësisht në hije në këtë takim.(LEXO KETU)

Pra qëndrimi i Ramës është i qartë. Ashtu siç ka kërkuar nga drejtësia që të vazhdojë punën dhe t’i nxjerrë ujin e zi korrupsionit pa marrë parasysh se për kë bëhet fjalë, ashtu e ka braktisur edhe në këtë takim.

Siç duket, kryeministri e konsideron si “non-grata” Bashkinë e Tiranës, ndërsa i ka bërë të qartë se nuk e mbron dhe i ka bërë thirrje drejtësisë të hetojë këdo që shkel ligjin. Këto janë fakte që tregojnë se ai kërkon të distancohet nga institucioni i baltosur i Bashkisë së Tiranës./ CNA