web counter
LEXO PA REKLAMA!

SHKARKO APP

App Store
Google Play

Absurde/ Firmosi kontratën për sterilizimin, Milva Ekonomi anëtare e komisionit hetimor për koncesionin

13 Qershor 2024, 12:01, Aktualitet CNA

Deputetja e Partisë Socialiste, Milva Ekonom, është një nga personat e përfshirë në nënshkrimin e kontratës koncesionare për sterilizimin.

Në datën 10 dhjetor 2015, Ekonomi ka nënshkruar kontratën me kompaninë koncesionare “Saniservice”, në pozicionin e drejtoreshës së Fondit të Sigurimit të Detyrueshëm të Kujdesit Shëndetësor.

Këtë fakt e ka evidentuar raporti i Kontrollit të Lartë të Shtetit i vitit 2018, ushtruar në Fondin e Sigurimit të Detyrueshëm të Kujdesit Shëndetësor.

Në faqen numër 153 të raportit të KLSH-së thuhet se deputetja socialiste është një nga nënshkrueset për shërbimin që është shtrirë në 5 spitale të Tiranës, në Shkodër dhe në Elbasan.

Absurde/ Firmosi kontratën për sterilizimin, Milva Ekonomi
Raporti i KLSH-së, ku evidentohet Milva Ekonomi si firmosëse e kontratës

Një fakt që duhet evidentuar është se Ekonomi, e njëjta që firmosi koncesionin, është pjesë e Komisionit Hetimor parlamentar të koncesionit të sterilizimit.

Deputetja është një nga anëtaret e këtij komisioni hetimor, të ngritur pas këmbënguljes së opozitës.

Është absurde se si PS vendosi anëtarë të komisionit hetimor një deputete që ka konflikt interesi.

Kjo sjell pyetjen nëse mund ta hetojë Milva Ekonomi veten për firmosjen e kësaj kontrate koncesionare, e cila tashmë po hetohet nga SPAK-u?

Për këtë kontratë koncesionare janë arrestuar ish-zv.ministri i Shëndetësisë, Klodian Rjepaj dhe biznesmeni Ilir Rrapaj. Gjithashtu, është nën hetim ish-ministri i Shëndetësisë, Ilir Beqaj./ CNA





10:19 Aktualitet

Ilir Meta, në SPAK

Kryetari i Partisë së Lirisë, Ilir Meta, është paraqit...

Lajmet e fundit nga