E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Shkeljet e njëpasnjëshme të Ilir Beqajt/ GJKKO: Rriti në mënyrë fiktive kostot e sterilizimit, dëme të mëdha në buxhet

24 Nëntor 2023, 11:12, Aktualitet CNA

Shkeljet e njëpasnjëshme të Ilir Beqajt/ GJKKO: Rriti në

Detaje të rëndësishme kanë dalë nga vendimi i GJKKO-së për aferën e sterilizimit, ku akuzohet edhe ish-ministri i Shëndetësisë, Ilir Beqaj.

Sipas GJKKO, Ilir Beqaj ka rritur në mënyrë fiktive kostot e sterilizimit. Në vitin 2013, mbi 283 mln lekë të rinj janë futur si zëra për setet kirurgjikale në QSUT.

GJKKO thekson gjithashtu se Ilir Beqaj në cilësinë e ministrit të Shëndetësisë lejoi koncesionin duke i shkaktuar dëme të mëdha financiare shtetit, ndërkohë që nëse do të ishte vënë në punë qendra e sterilizimit do t’i kushtonte më pak buxhetit publik.

Pjesë nga vendimi i GJKKO-së:

134. Me shkresën Nr. 842/3 Prot., datë 26.05.2022, dërguar nga Spitali Universitar i Traumës, në lidhje me furnizimin e bllokut operator të traumës me materialet dhe medikamentet mjekësore të listës bashkëlidhur për këtë bllok operator, theksohet se SaniService nuk furnizon bllokun operator të traumës me asnjë nga materialet dhe medikamentet mjekësore të kërkuara.

134. Sa më sipër rezulton se shuma 283, 287, 369.55 lekë, e futur si zë e kostos së sterilizimit të seteve kirurgjikale për QSUT-në për vitin 2013 dhe e përllogaritur në vlerën e kostos totale të QSUT-së prej 502, 233, 399 lekë (fleta 92 e Studimit të Fizibilitetit), rezulton se nuk është kosto për sterilizimin e instrumenteve kirurgjikale, por është kosto e furnizimit me medikamente dhe materiale mjekësore QË NUK ËSHTË PJESË E SHËRBIMIT TË DHËNË ME KONÇENSION. Të dhënat e Studimit të Fizibilitetit sipërcituar i janë dërguar Ministrisë së Financave me shkresën Nr. 3082/8 datë 10.10.2014 të Ministrit të Shëndetësisë.

135. Gjithashtu, me shkresën Nr. 3082/16 Prot., datë 17.12.2014, të Ministrit të Shëndetësisë është dërguar informacioni shtesë për dhënien e Konçensionit, ku shpjegohet se në studimin e fizibilitetit janë marrë në konsideratë kostoja vjetore e këtij shërbimi të prokuruar vetëm në QSUT (shih Shtojca 2, Argumentimi për Dhënien e Konçensionit). Ndërkohë, studimi i fizibilitetit (shih Shtojca 2, Krahasuesi i Sektorit Publik) dëshmon se me dhënien e shërbimit PPP kostot për të gjithë spitalet e vendit janë pothuaj të barabarta me kostot aktuale vjetore vetëm për QSUT”. Bashkëlidhur kësaj shkrese janë shtojcat, ku mes tyre dhe Shtojca 2 “Argumentimi për dhënien me Konçension dhe implikimet buxhetore”. Vlera prej 283, 287, 369.55 lekë rezulton të jetë 56.4% e vlerës totale prej 502, 233, 399 lekë llogaritur për QSUT-në për vitin 2013 (referuar dhe përshkruar në fletën 92 të Studimit të Fizibilitetit). Kosto e shërbimit në QSUT për vitin 2013 është llogaritur gjysma e këtij shërbimi për të gjithë vendin, duke qënë se QSUT kishte pothuajve gjysmën e 50.000 ndërhyrjeve kirurgjikale që kishte gjithë vendi.

-Në rastin konkret personi nën hetim I.B. në cilësinë e ministrit të Shëndetësisë ka lejuar të jepet koncesioni në vlerën 9, 657, 000, 000 (pa TVSH) për një afat 10-vje?ar, ndërkohë që sipas Kontrollit të Lartë të Shtetit nëse do të ishte vënë në shfrytëzim Qendra e Sterilizimit me pajisje moderne kostoja për 10 vite do të ishte 960 000 000 lekë. Pra, ekziston dyshimi i arsyeshëm se me dashje personi nën hetim I.B. i ka shkaktuar buxhetit të shtetit një dëm në vlerën 8 697 000 000 Lekë (9 657 000 000 – 960 000 000). Kjo është pasoja duke prezumuar që vlera e kontratës do të ishte aq sa është njoftuar fillimisht në fillin të procedurës, pasi sikurse do të analizohet më poshtë vlera e kontratës së koncesionit nuk dihet me siguri, sepse gjatë zhvillimit të procedurës vlera e kontratës ndryshoi nga vlera totale në shumën 9, 657, 000, 000 (pa TVSH) në një vlerë indikative, ku nuk dihet se sa do të shkojë konsto e kon?esionit në përfundim të afatit 10 vjeçar”./CNA