web counter
LEXO PA REKLAMA!

SHKARKO APP

App Store
Google Play

E fundit!

x

Rama mbledh Grupin Parlamentar/ Takimi në Elbasan, fokusi te fushata zgjedhore

10 Shtator 2024, 11:41, Politikë CNA
Rama mbledh Grupin Parlamentar/ Takimi në Elbasan, fokusi te fushata
Kryeministri Edi Rama

Mbledhjet e socialistëve nuk kanë të ndalur. Teksa ka ndezur motorët e fushatës për parlamentaret e vitit që vjen, kryesocialisti Edi Rama ka thirrur të premten një mbledhje të grupit parlamentar socialist.

Takimi do të jetë informal dhe do të zhvillohet në Elbasan. Kjo mbledhje do të jetë e ngjashme me atë të qeverisë në rezidencën qeveritare në Dajt dy javë më parë.

Në këtë takim, fokusi pritet të jetë tek komunikimi i deputetëve me qytetarët. Rama ka kërkuar angazhim të shtuar në terren.

Komunikimi është shumë i rëndësishëm në periudhën elektorale, ndaj porosia në të dyja kampet është zbritja në bazë dhe takimet me qytetarët.

Kjo porosi është dhënë si nga Rama, edhe nga Sali Berisha i PD-së. Rama synon fitoren e zgjedhjeve të përgjithshme dhe një fitore tepër bindëse.

Pak ditë më parë ai thirri Asamblenë, ku përcaktoi drejtuesit politikë, por gjithashtu zgjodhi dhe Kryesinë e re, ku u lanë jashtë emra të vjetër socialistësh.

Kryesocialisti ka vendosur brenda listës së sigurt emra të rinj, ndërsa socialistët më të vjetër do të jenë në garë të fortë dhe duhet të luftojnë për mandatin e tyre./ CNA





Lajmet e fundit nga