web counter
LEXO PA REKLAMA!

SHKARKO APP

App Store
Google Play

“Sot, e djathta është e shumëllojshme”/ Akil Kraja: PD nuk i ka fikur kurrë motorët

10 Shtator 2024, 17:48, Politikë CNA

“Sot, e djathta është e shumëllojshme”/ Akil Kraja:

“Sot e djathta në tërësinë e saj është e shumëllojtë, kemi një të djathtë më konservatore, kemi një të djathtë ekonomike që është e orientuar më shumë drejt taksave, kemi një të djathtë mbase më tradicionale, lokale”

Kështu është shprehur drejtori i Kabinetit të kryetarit të PD, Akil Kraja gjatë një interviste televizive.

Kraja ka theksuar se që nga rithemelimi i saj, PD-ja nuk i ka fikur kurrë motorët, duke vazhduar me turret dhe denoncimet për qeverinë përmes protestave.

“Sot e djathta në tërësinë e saj është e shumëllojtë, kemi një të djathtë më konservatore, kemi një të djathtë ekonomike që është e orientuar më shumë drejt taksave, kemi një të djathtë mbase më tradicionale, lokale. Thelbi këtu qëndron që ka një pluralizëm, ka një liri mendimi, ka vlera që parashtrohen, ka individë të cilët në vite të ndryshme kanë vijuar pavarësisht sfidave të ndryshme të vazhdojnë të artikulojnë teza, programe, ide konkrete për mënyrën sesi mund ta forcojmë ekonominë shqiptare përmes taksave të ulëta, familjen etj.

Unë do të thoja që si kurrë ndonjëherë, kjo opozitë, kjo Parti Demokratike e rithemeluar, nuk i ka fikur kurrë motorët e saj, dhe në fakt nëse kujtoni, që në 6 marsin e para 2 viteve, tek sa filloi fushata e parë me ato 6 bashkitë, PD, në asnjë moment nuk i ka fikur motorrët e saj, në asnjë moment nuk I ka ndalur protestat, në asnjë moment nuk i ka ndalur turet e takimeve anembanë vendit por dhe takimet me eksperte, rithemelimin me partnerët, rithemelimet e departamenteve.

Protestat e njëpasnjëshme, raportet zgjedhore që ata i kanë çuar OSBE ODIHR-it, tregojnë që PD ka qënë në paravijën e prodhimit të një politike më dinamike, më të fortë, më qëndrestarësh, dhe në këtë drejtim, primare kanë qënë ato risi të cilat i kanë sjellë më shumë përfaqësim, shpresë demokratëve”, ka deklaruar Akil Kraja./ CNA





Lajmet e fundit nga