web counter
LEXO PA REKLAMA!

SHKARKO APP

App Store
Google Play

E fundit!

x

Berisha, i pandehur/ Këlliçi: Vendim i turpshëm dhe i pafalshëm

11 Shtator 2024, 13:51, Politikë CNA
Berisha, i pandehur/ Këlliçi: Vendim i turpshëm dhe i
Drejtuesi politik i Tiranës në PD, Belind Këlliçi

Drejtuesi politik i Tiranës në PD, Belind Këlliçi, reagoi për mediat në lidhje me vendimin e SPAK-ut, për të marrë të pandehur ish-kryeministrin Sali Berisha, për dosjen “Partizani”.

Këlliçi tha se ky vendim është i turpshëm dhe i pafalshëm për drejtësinë.

Ai deklaroi se autor i librit me 500 faqe, që SPAK-u i dorëzoi Berishës, është kryeministri Edi Rama.

Sipas tij, me marrjen e kreut të PD-së si të pandehur ndodhi kapitullimi i SPAK-ut dhe i Reformës në Drejtësi.

“E turpshme, ajo që ka ndodhur sot. E pritshme që Berishës iu dorëzua libri me 500 faqe me autor Ramën. Kur s’i ke gjetur një shkelje ligjore, asnjë provë e fakt, kjo është e pafalshme për drejtësinë tonë dhe çdo qytetar që nuk reagon sot, nesër do t’u vijë atyre në shtëpitë e tyre. Kur ky standard përdoret ndaj një ish-presidenti, ish-kryeministri, mendoni çfarë do ndodhë nesër me familjet e pronat tuaja. Kjo që ndodhi sot e pafalshme dhe s’ka asnjë efekt te demokratët.

PD s’e marrin dot, nuk goditet dot se do Edi Rama dhe Veliaj. Standard i dyfishtë që ka vendosur SPAK, i paprecedentë. SPAK është kthyer në mburojën e krimit dhe korrupsionit në vend. Këta prokurorë janë mburojë e Veliajt dhe Ramës.

Kjo që ka ndodhur sot është kapitullimi i SPAK-ut dhe i të ashtuquajturës Reformë në Drejtësi. Berisha është ish-president, s’është mbi ligjin, por s’mund të jetë nën ligjin. Të jetë i barabartë me ligjin. Nëse mendojnë se kanë dekurajuar opozitën, ne jemi në kulmin e aktivitetit politik. Pa zgjedhje të lira dhe qeveri teknike nuk ka të ardhme. Nëse ky standard përdoret për Berishën, nesër do trokasë në dyert tuaja”, theksoi ndër të tjera Këlliçi./ CNA





Lajmet e fundit nga