web counter
LEXO PA REKLAMA!

SHKARKO APP

App Store
Google Play

E fundit!

x

Dy palaçot politikë të PD-së kundër protestave

11 Shtator 2024, 16:36, Politikë CNA
Dy palaçot politikë të PD-së kundër protestave
Foto ilustruese

Deputetja Jorida Tabaku, ndonëse në daljet e saj televizive flet për një opozita tashmë të bashkuar, një PD jo më të përçarë por bashkë në një mision dhe drejt zgjedhjeve të vitit 2025, nuk përfshihet në asnjë aksion opozitar.

“Berisha është vendosur nga demokratët dhe ka një vendim gjykate që e ka mbyllur këtë çështje një herë e mirë, ne sot duhet të ecim përpara dhe të mos kthehemi më pas”, kështu është shprehur ajo në një deklaratë gjatë një emisioni.

Por duket se shumë shpejt e ka harruar.

Tabaku nuk është bërë pjesë e asnjë prej protestave para Bashkisë së Tiranës e as asaj të sotmes para SPAK-ut, ku u paraqit në Prokurorinë e Posaçme kreui i PD-së Sali Berisha.

Në protestë u panë vetëm disa prej deputetëve besnikë të Berishës, por Jorida Tabaku nuk u shfaq në asnjë cep.

Po ashtu as kreu i gurpit parlamentar Gazment Bardhi nuk u shfaq në protestë ndonëse një ditë më parë kërkonte mobilizim për protetën para SPAK-ut, pra duket se të dy luajnë lojën sa për sy e faqe.

Gazment Bardhi nuk është parë as në protestat para Bashkisë së Tiranës.

Pra, në daljet e tyre publike thonë se opozita është e bashkuar por veprimet tregojnë të kundërtën edhe në publik.

Nëse opozita do të ishte e bashkuar të gjithë kauzat duhet të ishin të përbashkëta dhe jo vetëm interesat personale për karrige apo poste./ CNA





Lajmet e fundit nga